Ən Yaxşı Atalar Hansı Bürcdən Çıxar?

Qoç (21 Mart - 20 Aprel)

Qoçlar hökm etmə xasiyyəti sayəsində irəlidəki yaşlarında uşaqlarının həyatına çox müdaxilə etsələr də isti və əyləndirici atalardır. Uşaqlarıyla yoldaş kimi gəzib əylənməyi sevər. Körpəniz üçün istəyə biləcəyiniz müşfiq, qürurlu, isti ata qoçdur.

Buğa (21 Aprel-21 May)

Buğa bürcü kişiləri böyük ehtimalla oğlan sahibi olmaq istəyəcək. Amma qız uşaqlarını da xüsusi bir şəfqətlə qoruyaraq sevəcək. Onlar mehriban, isti, simpatik və səbirli atalardır. Uşaqları üçün rahat bir gələcək hazırlamaq istəyəcəklər. Yalnız maddi olaraq fədakarlıqla qalmayıb zamanını, sevgisini və marağını də uşaqlarına həsr edəcək,yenə də möhkəm intizam tətbiq tərzindən əl çəkməyəcək. Hələ buğa hirsinin alovlandığı anlarda hirsi dayanana qədər diqqətli olun.

Əkizlər (22 May-21 İyun)

İntizamlı bir ata deyil amma uşaqlarla arası yaxşıdır. Təzyiq etmədən, yoldaş və sirdaş olmağı bilən bir atadır. Özü təkrarlanan bir həyatdan xoşlanmadığı üçün uşaqları ilə əlaqələri də əyləncəli və şəndir. Bir gün tənqid etdiyi bir vəziyyəti başqa bir gün təqdir edə bilər. Bəlkə bu təzadlar uşaqların başını qarışdıracaq amma cəza tətbiqi sevməyən, əyləncəni, macəranı sevən bu ata uşaqların xoşuna gələcək. Əlbəttə bəzən verdiyi sözləri dəyişən xarakteri səbəbiylə xatırlamayacaq. Bu da verdiyi sözləri tutmamasına səbəb olacaq. Uşaqlar fəaliyyətlərinə mane olmaz, ayağına dolanmazlarsa bu onu daha məmnun edəcək. Şüurlu bir şəkildə cəhd göstərib uşaqlara sevgisini göstərməyə diqqət yetirməli, yoxsa tipik əkizlər soyuqluğu uşaqları sevildiklərini düşünməkdən saxlayacaq.

Xərçəng (22 İyun-23 İyul)

Səbrli strukturları səbəbiylə mükəmməl ata olarlar. Uşaqlarının bütün problemləriylə yaxından əlaqədar olacaq. Xərçənglər sevdiklərinin özlərinə söykənib ayaqda dayandıqlarını gördüklərində digər bürclərin əksinə kədərlənərlər. Çünki o dayaq olma işini xoşbəxtliklə etməkdədir, bu vəzifənin bitməsi onu təkləşdirər,sevdiklərini itirdiyi andakı kimi tündxasiyyətləşər, o tərs xərçəng olar. Onun uşaqlarının böyüdüyünü qavraya bilməsi çətindir amma qeyri-mümkün deyil. Mükəmməl ata xərçəng uşaqlarına qarşı çox həssas davranacaq, onlarla uşaqlıqlarını paylaşacaq.

Şir (24 İyul-23 Avqust)

Şirlər geniş ailələri sevməzlər, ya heç uşaqları yoxdur ya da tək uşağı vardır. İsti, xoşgörüşlü mükəmməl atalardır halbuki. Tərbiyə mövzusunda uzun konfranslar verə bilər və uşağı yola gətirmək üçün israrlı davrana bilər. Amma sonunda istədiyi hörməti əldə edər. Bəlkə uşaqlar atalarının özünü bəyənməsi, hər vaxt haqlı olması kimi xasiyyətlərindən nifrət edə bilər. Və bu aranın gərilməsinə səbəb ola bilər amma aslanın qüruru qırılmadığı müddətcə hər şey asanlıqla həll ediləcək.

Qız (24 avqust-23 sentyabr)

Qızlar ata olmaq üçün dəli divanə olmazlar. Kiçik bir ailələri olmasını istəyərlər. Uşaqları olunca uşaqlarına çox düşkün olarlar. Məsuliyyətlərinə laqeyd yanaşmaz. Ağıllı və mədəni bir ata olaraq, uşaqlarının dərsləriylə təhsil həyatları boyunca yaxından maraqlanar. Nizamlı və intizamlı uşaqlar yetişdirmə arzusundadır. Ehtimalla uşaqların daha kiçik yaşda bir kitabxanaları olacaq. Uşaqlarını çox şişirtməzlər. Tənqidə meylli olması bəzən uşaqlarda mənfi təsirlər yarada bilər. Üstəlik qız sevgisini göstərmədə də çox müvəffəqiyyətli deyil. Bunun üçün xüsusi bir səy sərf etməsi lazımdır.

Tərəzi (24 Sentyabr-22 Oktyabr)

Sakit və ədalətli bir atadır. Uşaqları da atalarının cazibədarlığına qapılacaqlar mübahisələrindən nifrət edəcəklər. Tərəzi kişisi dörd gözlə uşağı olmasını gözləməz. Amma uşaqları olduqdan sonra uşaqlarına dəli kimi düşkün bir ata olacaq. Amma bu sevgi heç bir zaman yoldaşına olan sevginin yerini tutmayacaq. Tərəzilər üçün əvvəl yoldaş sonra uşaq gəlir.

Əqrəb (23 Oktyabr-22 Noyabr)

Sərt bir atadır, tənbəlliyi bağışlamaz. Uşaqlar sahib olduqlarının dəyərini bilmək məcburiyyətindədir. Avtoritar olması uşaqları tərəfindən xoş qarşılanmasa da o uşaqlarını düşündüyü üçün belə davranmaqdadır. Uşaqları öz ayaqları üzərində dayanmağı öyrənəcəklər. Nəzakətli və gülməli ola bilər amma əmr edici rəftarlarından imtina etməz. Əgər duyğusal uşaqları varsa onlar üçün incidici ola biləcək bu vəziyyət uşaqların içə qapanmalarına və psixoloji problemləri olmasına səbəb ola bilər. Ona üsulunca uşaqların vəziyyəti izah edilməli və hərəkətlərində daha yumşaq olması istənməlidir.

Oxatan (23 Noyabr-22 Dekabr)

Oğlan uşaqlarına daha yaxınlıq hiss edərlər. Uşaqlar böyüdükdə daha rahat ünsiyyət qurarlar. Daha çox, bir yoldaş olacaq, çöldəki azad həyatını onlarla paylaşacaq və tək qalmaq istədiklərində belə tək buraxmayacaq. Uşaqların sirlərini maraqlanıb araşdıracaqlar. Uşaqlar eşqbazlıq etdiyində əsəbiləşmək yerinə bu vəziyyət onları əyləndirəcək.

Oğlaq (23 dekabr-20 yanvar)

O tam bir atadır. Hörmət və itaət gözləyəcək, qarşılığında fədakar və dürüst olacaq. Onlar uşaqlarını şişirtməzlər lazım olduğunda cəzalandırmağı bilərlər. Uşaqların vəzifələrini edib etmədiklərinə diqqət yetirəcək amma onların fəaliyyətlərinə də icazə verəcək. Hətta oğlaqlar baba olduqlarında çox gənc görünmələri və hiss etmələri sayəsində nəvələriylə də yaxşı əlaqə içində olarlar. Uşaqlarının da özü kimi etibarlı olmasını istəyərlər.

Dolça (21 Yanvar-19 Fevral)

Yaxşı bir dinləyicidir. Uşaqlarının problemləri nə qədər kiçik və xəyalçı olursa olsun onlarla maraqlanacaq. Uşaqların riyaziyyat dərsləriylə başları bəlada olmayacaq ehtimalla, çünki problemləri həll edəcək bir ataları olacaq.

Balıq (20 Fevral-20 Mart)

Xəyalçı və nağılçı bir ata uşaqların xoşuna gələcək. Üstəlik bu ata oyun oynamağı da çox sevir. Sakit və paylaşmağı bilən quruluşu onu uşaqlar üçün hər şeydən əvvəl yaxşı bir yoldaş edəcək. Anaları cəzalandırmağa hazırlanarkən o uşaqların dərdlərini dinləyib həll tapmağa hazırlanacaq. Gəzmələr, mədəni fəaliyyətlər, idman əylənmək üçün nə varsa uşaqları ilə birlikdə sınamaqdan qaçmayacaq.