❀⊱╮Xanımlar,Bayramımız Mübarək olsun╰⊰❀
Bu gün bəşəriyyət üçün çox şərafətli bir gündür. Xanımlar xanımı, bəşəriyyətin ən üstün qadını, Hz.Məhəmmədin (s.ə.v.v) gözünün nuru, qəlbinin meyvəsi olan Xanım Fatimeyi Zəhra(s.ə)-nın mübarək Mövlud günüdür.Başda İmam Zaman (əccələllahu fərəcəhu şərif) Həzrətləri olmaqla bütün dünya müsəlmanlarını, bütün Zəhra (s.ə) balalarını (seyyidləri) və Xanım Zəhra (s.ə)-nı özünə ana bilən hər kəsi bu mübarək mövlud münasibətilə səmimi qəlbdən təbrik edir, sizə bu günün feyzindən lazımınca bəhrələnməyi arzu edirik. Allah-Mütaəldan hər birinizə bu dünyada Xanımın ziyarətin, axirətdə isə şəfaətin nəsib etməsini arzu edirik. Müsəlman dünyasında əgər ki, “Qadınlar Bayramı” –adında bir gün bayram kimi elan ediləcəksə, məhz bu gün elan edilməlidir, çünki bəşəriyyətin ən üstün Qadını məhz bu gün dünyaya göz açaraq, dünyanı gəlişi ilə zinətləndirmiş və Allahın qadına verə biləcəyi ən yüksək dəyərləri özündə cəm edərək kamil qadın nümünəsin bütün bəşəriyyətə göstərmişdir. Bu münasibətlə bütün Müsəlman Xanımları “Qadınlar Günü” münasibətilə təbrik edir, onlara Xanım Zəhra (s.ə)-nın layiqli ardıcılları olmağı arzu edirik!
 |  Əssəlam, ey hər iki dünyayə zinət Fatimə. Əssəlam, ey govhəri-dəryayi-ismət Fatimə. Əssəlam, ey Müstəfanın cisminin bir parəsi, Əssəlam, ey Heydəri-Kərrarə nisbət Fatimə. Həq yolunda sadiq oldun, səbr edib hər möhnətə, Ey alan min şövq ilə cami-şəhadət Fatimə. Verməmişdir kimsə əsrari-vücudindən xəbər, Ey vücudi-pakı başdan-başə hikmət Fatimə. Sən ləyaqət, sən nəzakət, sən sədaqət rəmzisən, Ey nihali-busitani-izzü qeyrər Fatimə. Kim sənin tək oldu on bir övliyanın madəri, Hansı madərdir qoyan nəsli-imamət, Fatimə. Eydi-mövludin səadət bəxş edər, bir lütf qıl, Ta tapaq biz də bu bayramda səadət Fatimə. Ey gəlib mövludi-Zəhrayə, ibadətdən qaçan, Söylə etmişdir haçan dinə xəyanət Fatimə. Əcnəbinin qoyduğu yoldan uzaqlaş, ey bacım, Siz qadınlarçün qoyubdur rahi-iffət Fatimə. Düxtəri-Kübra hicabın əldə möhkəm saxlayın, Öz Hicabın sizlərə vermiş əmanət Fatimə. Zeynəbü Külsum tək mərdanə ol İslamdə, Bəlkə etsin axirət gündə şəfaət Fatimə. Biəməllərdən kəniz olmaz xanımlar şahına, Yadda saxla eyləmiş haqqa ibadət Fatimə. Sən də mərd ol keç Hüseynin məktəbindən qardaşım, Etməsin ta ki, sənə Məhşərdə nifrət Fatimə. Mahirəm, çoxdur günahım, gər şəfaət etməsən, Bilmirəm halım nolur ruzi-qiyamət, Fatimə?  | |
Müəllif: Hacı Ələmdar Mahir
Bütün FeaT.aZ xanımlarını və ailələrindəki bütün xanımların,o cümlədən oğlan userlərimizin ailələrindəki xanımların Bayramını ürəkdən təbrik edirəm,onlara uzun ömür və can sağlığı arzu edirəm,Allah-Taala imanımızı kamil etsin və Xanımlar Xanımının (s) şəfaətini bizlərə nəsib etsin.Amin
