2017-nin gəlişi ilə trenddən kənar qalanlar

Ötən illərdə dəb aləmində “heç vaxt geyinmərəm”, “bu nə makiyajdır!”, “bu saç formasını heç vaxt kəsdirmərəm” dediyimiz bütün trendlərlə ayaqlaşmalı olduq. Amma geridə qoyduğumuz illərdə, xüsusilə də, 2016-da dəbdə olan bəzi trendləri 2017-yə daşımamağımızda fayda var. Çünki müasir dövrdə bəzi trendlərin ömrü bir ildə məhdudlaşır. Buna görə də 2017-ci ildə bəzi trendlərə “bye-bye” deyib, yeni parçalara “salam” deməliyik. Gəlin baxaq görək, 2017-ci ildə hansı trendləri 2016-da qoyduq.

Choker-lər


2016-cı ildə dəb aləmində bir “boom” kimi yayılan bu fərqli və bir o qədər də, iddialı bəzək aksesuarı olan choker-lər 2017-də “out” olanlar sırasında ilk pillədədir.

Çiyinləri düşük üstlər


Keçən yay çox rast gəldiyimiz bu cür geyimlərə 2017-də az, bəlkə də, heç rast gəlməyəcəyik.

Çiyindən düşən kürklər


2016-nın qışında çiyinlərdən sallanan kürkləri yeni mövsümdə tam şəkildə geyinməyimiz bizi daha dəbli edəcək.

90-ların logolu geyimləri


2016-da 90-lardan bir çox parçalar dəbdə oldu. Xüsusilə də, logolu geyimlər. Amma 2017-də 90-lara aid olan bu parçalar yox olacaq.

Mayonu xatırladan üst geyimlər


Geridə qoyduğumuz mövsüm mayonu xatırladan bu cür üst geyimləri geniş yayılmışdısa, ona da əlvida deməyin vaxtı gəlib çatdı.

foxy.az