Feat.Az

Mənə ondan danışmayın - ŞEİR

04 Noyabr 2016
836
0
Mənə ondan danışmayın - ŞEİR
Mənə ondan danışmayın
Duymaq belə istəmirəm.
Ona olan bu hörmətim,
sevgim ölə istəmirəm.
Qoy yaşasın xatirəmdə
Əvvəlki tək mələk kimi.
Heç əsməsin xəzan yeli
O solmasın çiçək kimi.
Mənə ondan danışmayın
Bu günündən, sabahından.
Xəbər-ətər gətirməyin
Etdiyi hər günahından.
Ona olan duyğularım
Anlaşılır sözlərimdən.
Yaşlar düşsün eybi yoxdu,
O düşməsin gözlərimdən.
Mənə ondan danışmayın
Qoy unudum yavaş-yavaş.
Röyalarda arxasınca
Sürnməyim o baş bu baş.
Məni ondan soruşmayın,
Onu məndən soruşmayın!
Ayrılmışıq neçə vaxtdı
Mənə ondan danışmayın.
Mənə ondan danışmayın...!
Xəbərlərdən daha tez xəbərdar olmaq üçün Facebook Səhifəmizi izləyə bilərsiz.
Şərh Yaz