Qarabağ Üçün Oxu -2 ("Tut ağacı", "Aman aman ayrılıq")
“Qarabağ üçün oxu - 2” layihəsi təqdim edilib.
Feat.Az xəbər verir ki, “Qarabağ üçün oxu” - məşhur qlobal layihənin (“Playing for Change”, “Doğa için çal” ) Azərbaycan versiyasıdır.
Layihənin komandası “Səslərimizi Qarabağ üçün birləşdirək!” devizi altında çalışırlar.
Layihədə Azərbaycanın ayrı-ayrı bölgələrindən olan məşhur və az tanınmış musiqiçilərin ifasında “Tut ağacı”, “Aman-aman ayrılıq” mahnıları səsləndirilib.
Çəkilişlər Azərbaycanın müxtəlif rayonlarında və xarici ölkələrdə aparılıb.
Xatırladaq ki, layihənin ilk buraxılışında 150 peşəkar və həvəskar musiqiçi iştirak etmişdi. Onların arasında xalq artisti Flora Kərimova, İlham Nəcəfov, Natiq Şirinov, Şirzad Fətəliyev, Ehtiram Hüseynov, Mansurov qardaşları, Həsənağa Sadıqov və başqaları yer almışdılar.
Layihə iştirakçıları 3 mahnı ifa etmişdilər: “Durnalar”, “Qarabağ” və “Yaşa, Azərbaycan”. Çəkilişlər Azərbaycanın 17 rayonunda aparılmışdı. Həmçinin 7 xarici ölkədən iştirakçılar da qatılmışdılar.