Möcüzə Kimi !

Dəhşətli bir avtomobil qəzasında qulağını itirən, adı və yaşı naməlum olan adama qulaq transplantasiya olundu. Feat.Az xarici mətbuata istinadən bildirir ki, qəzadan sonra üzünün sağ tərəfində ciddi izlər yaranan adam saysız əməliyyat olunsa da qulağı olmadığı üçün özünü yarımçıq hiss edirdi.



Üzdə yaranan zərər o qədər böyük idi ki yaraya qulaq tikmək olmurdu. Bu səbəbdən Dr. Guo Shuzhong, çinli adam üçün süni bir qulaq düzəltməyə qərar verdi.



Xəstənin qabırğalarından götürülən qığırdaqlardan 3D texnologiyası ilə düzəldilən həqiqi qulaq ilk əvvəl xəstənin qoluna köçürüldü.



Köçürülmənin uğurlu alınıb-alınmadığını yoxlamaq üçün 2 həftə nəzarətdə qalandan sonra xəstə evə göndərildi.



Mütəxəssislər qulaq başına köçürülənə qədər bir neçə ay qolunda saxlanılmasını məsləhət gördü.



Bu həftə gerçəkləşdirilən 7 saatlıq əməliyyat nəticəsində qulaq qoldan başa nəql edildi. Dr. Guo Shuzhong yeni köçürülmüş qulağın sahibinə müvəffəqiyyətlə uyğunlaşdığını bildirdi.



Əliyeva Günay
Feat.az