"Kəpəz" 2 yeni legioner transfer edəcək
Ölkəmizi Avroliqada təmsil edəcək olan “Kəpəz” yeni mövsüm üçün transfer çalışmalarını davam etdirir. Feat.Az klubun rəsmi saytına istinadən bildirir ki, beş yerli futbolçunun keçidinə nail olan “sarı-göylər” daha iki oyunçunun xidmətində maraqlıdır. Hazırda bu istiqamətdə işlər gedir. Komandaya dəvət olunacaq futbolçular legioner olacaq.
Məşqçilər korpusunun hesabatına əsasən komanda mərkəz yarımmüdafiəçisi və son müdafiəçi mövqeləri üzrə oyunçulara ehtiyac duyur.