“İnsan axtarıram!”
Qədim yunan müdriki Sinoplu Diogen bir gün küçədə ” Ey insanlar! İnsanlar!” deyə çağırmağa başlayır. Xalq onun ətrafına toplananda Diogen “Mən insanları çağırıram, siz niyə yığışmısız “ deyib çomağı ilə onları vuraraq qovmağa başlayır.
***
Günün günorta çağı əlində lampa ilə dolaşan Diogendən nə axtardığını soruşanlara “İnsan axtarıram!” deyə cavab vermişdir.
***
Diogen şəhər meydanında fəlsəfi mövzuda moizə deməyə başlayır. Heç kəs ona qulaq asmır. Bunu görən Diogen quş kimi cikkildəməyə başlayır. Ətrafa qısa müddətdə xeyli avara toplanır və maraqla onu dinləməyə başlayırlar.
- Baxın, afinalılar, budur sizin ağlınızın qiyməti – deyə Diogen onlara irad tutur – sizin üçün ağıllı söhbətlər edəndə, qızıl xırdalayanda dinləmədiniz, ağılsız quş kimi cikkildəyən kimi ağzınızı ayırıb dinləməyə başladınız.
