Sizi sizdən yaxşı tanıyan dost
Psixoloqlar keçirdiklər tədqiqatlar nəticəsində hansı növ dostların insana yaxşı təsir etdiyini bəyan etmişdilər.
Sizdən daha yaxşı olan dost
Belə dost sizin üçün bir nümunə olacaq. Siz özünüzü də daha yaxşı olmağa can atacaqsınız. O, sizin həyatınızı rəngarəngləşdirəcək, sizin daha əvvəl görmədiklərinizi sizə göstərəcək.
Sizin oxşamaq istədiyiniz dost
Belə bir dost sizi öz üzərinizdə çalışmağa məcbur edəcək və sizi ruhlandıracaq.
Sizin digər dostlarınızı tanımayan dost
Belə dost sizin xilaskarınız kimidir. Çünki sizin əhatənizdə olan və sizin dostlarınızı tanıyan bütün digər insanlardan daha obyektiv və ədalətli olacaq. Onunla siz şəxsi həyatınızdan danışa bilərsiniz və əmin ola bilərsiniz ki, dedikləriniz başqa dostlarınızın qulağına çatmayacaq.
Amansız dərəcədə dürüst dost
Belə dost kritik vəziyytlərdə çox faydalıdır. O, çətin vəziyyətdə yaxşı məsləhət verməyə qadirdir. Belə dostun dürüstlüyünə incimək lazım deyil. Əksinə, bu ona dəlalət edir ki, o, sizə dəyər verir.
Sizi sizdən yaxşı tanıyan dost
Belə dostlar adətən sizi uzun zaman tanıyan şəxslər olur. Sizi uzun müddətdir ki tanıdığı üçün o, sizi olduğu kimi qəbul edir. Onunla siz özünüz ola bilərsiniz.
