Şəki lətifələri

Başsağlığı


Bir gün Hacı dayının iti ölür.Sataşmaq məqsədilə bir neçə dostu ona başsağlığı verir:"Hacı, axır qədim olsun, başın sağ olsun!"
Hacı özünü sındırmadan:- "Sağ olun əyaxlaroz var olsun! Ancaq heç bilmirdim ki, itimin bu qədər qohum-əqrəbası, simsarı varmış"- deyir.



Qəzet satışı

Bir nəfər qəzet köşkündə satıcı işləyən Hacı dayıdan soruşur"
-Hacı dayı, "Şəki fəhləsi" qəzetinin sabahki nömrəsi yoxdu ki?
-Ağro mən alım."Şəki fəhləsi" qəzetinin sabahki nömrəsini dünən satmışam!- deyə Hacı dayı cavab verir.




Ə,sizdə palan,quşqun var?

Bir dəfə Lütvəli Abdullayev Şəkidə ərzaq mağazasına girərək,satıcı ilə zarafat edərək soruşur:
-Ə,sizdə palan,quşqun var?
Satıcı özünü itirmədən dillənir:
_Lütvəli əmi,var,özü də nə qədər istəsəniz.Amma hayıf ki,sizin ölçünüzə yariyəni yoxdur.