Kişilərin Göz Yaşlarına Boğulduqları Anlar!..

Qadınlar qədər asan olmasa da kişilərin də kədərlərinə məğlub olduğu bir qırılma nöqtəsi var. Və o nöqtədə ən maço dolanan kişinin belə özünə hakim olması mümkün deyil ... "Onun ağladığını yuxumda görsəm inanmaram " deyirsiniz? Bu qədər iddialı danışmayın çünki biz qadınlar görməsək də, eşitməsək də kişilər ara sıra ağlayarlar. Lakin onların ağlama səbəbləri bizimkilərdən olduqca fərqlidir. Biz kədərləndiyimizdə, qırıldığımız ya da duyğulandığımızda göz yaşlarımıza hakim ola bilməzkən, onlar öfkə, hirs və həddindən artıq həyəcan üzündən ağlayarlar. Bir də həll etmək əllərində olmadıqlarında..


Tutduqları komanda məğlub olduqda
Kişilər komandaları məğlub olduğunda, hələ də çempionluğu burun fərqiylə əldən verdiklərində ağlamağı buraxın, mərsiyə belə qura bilərlər. Çünki futbol onlar üçün həyati bir əhəmiyyət daşıyar və işin pisi, edə biləcəkləri heç bir şey yoxdur. Bu da onların qorxunc bir hirsə düşməsinə, dişlərini və yumruqlarını sıxmalarına hətta gözlərindən yaşlar axmasına səbəb olur. Söylədiyimizə inanmırsınızsa, onunla bir matça gedin və komandasının məğlub olmasını diləyin. Əgər məğlub olsalar, yalnız sevdiyiniz kişinin deyil, bütün bir kişi qrupunun necə toplu halda ağladığını görəcəksiniz.

Ata olduqlarında
İstədiyi qədər soyuqqanlı görünsün, heç bir kişi kiçik bir körpəsi olduğunu öyrəndiyində özünü tuta bilməz. O artıq bir atadır, uşağıyla edəcəklərinin xəyalını indidən quran bir ata ... Körpəsini,- özünün bir parçası olan bu kiçicik varlığı gördüyü zaman sevincdən gözyaşlarına boğulur. Həmçinin sizə kiçik bir sirr verim; şüuraltında da olsa hər kişidə bir uşağın nəslini davam etdirəcək olmasının yaratdığı gizli bir xoşbəxtlik vardır. Yəni sevinc göz yaşlarında bu xoşbəxtliyin payı da böyükdür ...

Tərk edildiklərində
Öz təcrübənizə yola çıxaraq tərk edilmə ağrısının yalnız qadınlara məxsus bir şey olduğunu düşünürsünüzsə, əmin olun çox yanılırsınız. Kişilərlə aramızdakı tək fərq budur: Biz ağrımızı daha çəkinmədən yaşayırıq. Tərk edildikdən sonra dostlarımızın yanında da çəkinmədən gözyaşı tökə bilir, üzüntümüzü yaxınlarımızla paylaşa bilir, beləliklə əslində ağrımızı çox daha asan və tez atlatmış oluruq. Lakin kişilər, bu mövzunu kimsəylə doğru dürüst danışa bilmir. Danışa bilmədikcə də ürəklərindəki çətinlik böyüyüb bir daş qədər ağırlaşır və onların yalnız qaldıqlarında ağlayıb rahatlamağa ehtiyac duymalarına səbəb olur.

İtləri öləndə
O güclü və sadiq heyvanın, həyatda onları qeyd-şərtsiz sevən tək varlığın ölməsi, kişiləri pərişan edə bilir. Çünki kişilər, heyvanlarını itirdiklərində özlərini çox yalnız hiss edər, ən yaxın və vəfalı yoldaşlarını itirdiklərini düşünür və xüsusilə gecənin qaranlığında sevgili itləri gəlib ayaq uclarında yatmadığı zaman acı həqiqəti bir dəfə daha idrak edib ağlayarlar.

İşlərini itirdiklərində
Kişilərin işlərini itirmələri, həyatlarında çox ciddi sarsıntılara gətirib çıxarar. Karyera qurmaq üçün gecəsini gündüzünə qatan, tamamilə öz əzmi ilə yüksələn bir kişi çox sevdiyi işindən olduğunda, rahatlıqla ağlaya bilər. Üstəlik bu gözyaşlarının içində gələcəyə istiqamətli qayğılar, bir evin və ailənin məsuliyyəti, yeni bir iş tapmağın çətinliyi, başlanan yerə geri dönmənin və verilən əməklərin boşa getməsinin kədəri də vardır. Bu səbəbdən hər hansı bir problem qarşısında özlərini tutmağı bacarsalar da, kişilər işdən qovulduqları zaman uzun bir müddət böhrana girərlər.