5 addımla daha Gözəl Aksessuarlar

Aksessuarlar geyimlərimizin tamamlayıcı və əvəzolunmaz parçalarıdır. Kimimiz boyunbağı taxmağı sevmirik amma üzük sevirik, kimimiz isə hamısını bir arada sevirik. Bəzi aksessuarlarımızın mənəvi dəyəri olur, bəziləri isə sadəcə bizim üçün əvəzolunmazlar sırasındadır. İndi isə şkafın bir küncünə yığılan aksessuarları üzə çıxarmağın vaxtıdır, qızlar! Çünki Foxy səninlə aksessuarlarını daha gözəl və bahalı göstərməyin yollarını paylaşır.

1. Aksessuar alarkən metalı çox parlaq olanları deyil, onlara görə nisbətən daha tünd rəngdə olanları almağa üstünlük verin. Daha tünd rəngdə olan metallar daha gözəl və bahalı görünür.

2. Plastik görünüşlü daşlardan uzaq durun. Plastik daşlı olanlar yerinə daha açıq rəngdə olan, təbii daş təsiri bağışlayanlara üstünlük verin. Parıltını sevirəm deyirsənsə təbii daş görüntülü gözalıcı parçaları seçə bilərsən.

3. İstifadə etdiyin hissədə yaşıl ləkələr buraxmayan aksessurlar istifadə et. Mis, nikel və ya qızıl rənglə örtülmüş aksessuarlar dəridə yaşıl rəngli ləkə buraxa bilər. Əgər belə bir aksessuarın varsa və ondan istifadə etmək istəyirsənsə, o zaman həmin aksessuarını rəngsiz dırnaq boyası ilə boyaya bilərsən. Beləliklə, dərində elə bir ləkə qalmayacaq.

4. Xəfif və çox incə görünən aksessuarlar yerinə, bir az daha göstərişli olanlara üstünlük ver. Daha göstərişli aksessuarlar həmişə gözəl və keyfiyyətli görüntü ilə səni təmin edə bilir.

5. Böyük boyunbağılar taxmağı sevirsənsə o zaman düzgün boyunbağını seçməyində fayda var. Geometrik şəkilli, vintage və ya etnik bir hava qatan boyunbağıları seçə bilərsən.