Civzələrdən Qurtulmaq üçün Maskalar
Yerkökü və turp maskası
Hər iki tərəvəzi yaxşıca bişirin. Qoyun biraz soyusun. Sonra yaxşıca əzin və hazır əzilmiş kütləni üzünüzə çəkin. 10-15 dəqiqə üzünüzdə saxlayın və sonra üzünüzü süd ilə yuyun.
Bu maskadan sonra üzünüzün dərisi təmizlənir və təravətlənir.
Çiyələk maskasi
Sizə sadəcə 3 ədəd çiyələk lazımdır.
Təmiz yuyulmuş çiyələkləri əzin və üzünüzə çəkin və 10 dəqiqə üzünüzdə saxlayın. Sonra isə üzünüzü gül suyu ilə silib təmizləyin.
Xiyar maskası
Xiyarı yuyub qurulayın. Qabıqlı halda sürtkəcin kiçik gözündən keçirin və bir şüşə qaba tökün. Üzərinə 2 stəkan qaynar su əlavə edin və qoyun soyusun. Soyuyandan sonra istifadə edin.
Üzünüzü gündə 3-4 dəfə onunla silin. Xiyar üzünüzdəki səpkiləri təmizləməkdə sizə köməklik edəcək.
Yumurta ağı ilə maska
Bu maska sizin dərinizi həm təmizləyər, həm ağardar, həm də onu elastik edər.
1 yumurta ağının üzərinə 1 ç.q limon şirəsi əlavə edin və yaxşıca qarışdırın (köpüklənənə qədər). Hazır kütləni pambıqla üzünüzə çəkin. 5-7 dəqiqə qalıb üzünüzdə quruyandan sonra ondan yenidən üzünüzə çəkin və ikinci qatın da qurumağını gözləyin. İkinci qat da quruduqdan sonra yenidən üçüncü qat çəkin və qurumağını gözləyin. Əlinizdəki qarışım bitənə qədər bu prosesi davam edin. Bir yumurta ağından təqribən 3-4 qat alınır.
Sonda isə tam qurumağını gözləyin və üzünüzü ilıq su ilə yuyun. Üzünüzü ilıq su ilə yuyandan dərhal soyuq su ilə yuyunun ki, dərinizə təsir etsin.
