Göz altı qırışlar üçün maska

Öz dərisinin qeydinə qalan xanımlar bilir ki, üz dərisi üçün ən çox istifadə olunan yağlardan birincisi zeytun yağıdır. Elə göz ətrafından yaranan qırışlar üçün də ən sadə maska zeytun yağından hazırlanmış kompresdir. Sadəcə pambığı yağa batırıb 10 dəqiqə müddətində gözün üstündə saxlayın. Əgər 10 q zeytun yağına 1 kapsul E vitamini əlavə etsək, onda gözətrafı dəri üçün gözəl qidalandırıcı maska hazırlamış olarıq. Belə maskanı hər gecə gözdə 5 dəqiqə saxlamaqla isifadə etmək olar. Daha sonra da onu yumağa ehtiyac yoxdur. Sadəcə yağın artığı yumşaq salfetə hopdurulur. Kərə yağının qırışlarla mübarizədə effektivliyi çoxlarına məlumdur. Barmağın ucu ilə masaj hərəkətləri edərək yağı üst və alt göz qapağına çəkməklə dəriyə hopdurmaq və bütün gecə boyu saxlamaq kifayətdir. Bu, təkcə qırışları azaltmır, həm də dərini onlardan tamamilə azad edir. Əsası kərə yağı olan maska hazırlamaq üçün 1 stəkan qaynar suya 1/2 çay qaşığı çobanyastığı çiçəyi və 1/2 çay qaşığı çökə çiçəyi əlavə edərək 15 dəqiqə dəmə qoyulur. Sonra bu qarışıqdan 2 x/q götürüb 1 x/q əridilməmiş kərə yağı və 1 ç/q gənəgərçək yağı ilə krem halına gələnə kimi qarışıdrmaq lazımdır. Kremi hər gecə yatmazdan əvvəl gözün qapaqlarına və gözün küncünə çəkmək lazımdır. Gözətrafı qırışlar üçün ən geniş istifadə olunun vastələrdən biri də efir yağlarıdır. Belə yağlar soyuq sıxma yolu ilə alındığı üçün bioaktiv maddələrə zəngindir. Efir yağları gözətrafı qırışlar üçün bir də ona görə effektiv hesab olunur ki, onun hissəcikləri dərinin ən dərin qatlarına kimi nüfuz edir, onu qoruyur və qidalandırır. Kompreslərdə ərik, qızılgül, badam yağlarından istifadə olunur. Küncüt yağı göz ətrafındakı mimiki qırışlarla mübarizədə ən effekli vasitədir. Onu azca isidərək qırış əmələ gələn hissəyə sütrmək, 1 saat müddətində sovrulmasını gözləmək lazımdır. Qalıq yağ isə yumşaq salfetlə yüngülcə silinir. Bu arada göz ətrafında qırışların yaranmasını istəmirsinizsə, göz qapaqlarınıza da vaxt ayırmaq, onları məşq etdirmək lazımdır.
1-ci hərəkət - Gözətrafı əzələləri tonuslaşıdırır və rahatlaşdırır: yavaşca gözlərinizi sağa, daha sonra sola doğru çəpləşdirin. Sonra aşağı və yuxarı baxın.
2-ci hərəkət - Gözlərinizi möhkəm bağlayın. 5 saniyə saxlayıb açın və hərəkəti 10 dəfə təkrar edin.
3-cü hərəkət - Şəhadət barmağınızı hər iki gözünüzün daxili küncünə qoyun və yüngülcə basın. Bu hərəkət akkupunkturanın (iynə batırma masajı) ən effektiv nöqtəsidir və gözaltı torbaların yaranmasının qarşısını alır.
4-cü hərəkət - Qaşınızın dərisini tutun və barmaqlarınızı onun üzəri ilə "oynadın". Bu hərəkət gərginliyi aradan götürəcək və "qaz ayağı" kimi qırışların yaranmasını əngəlləyəcək.
5-ci hərəkət - 2 barmağınızı qırışın hər 2 tərəfinə qoyun. Barmaqlar arasındakı sahə tezliklə qızışacaq və yumşalacaq. Qırış azalacaq.
6-cı hərəkət - Orta və şəhadət barmaqlarınızla qaşınızın sonunu basın, barmaqları yuxarı qaldırın, burununuzun ucuna baxın və gözlərinizi örtün. Hərəkəti 10 dəfə təkrar edin!