Tarixdə Bu Gün - 19 Noyabr

19 noyabr: * Xristofor Kolumb Puerto Riko adasını kəşf etmişdir, (1493-cü il). * İndira Qandi, Hindistanın məşhur siyasi xadimi anadan olmuşdur, (1917-ci il).* Haaqada "Azərbaycanın Holland dostları" cəmiyyəti təsis edilmişdir, (2008-ci il).

Əhəmiyyətli hadisələr
1816 — Varşava Universiteti təsis edilmişdir.
1946 — Əfqanıstan, İslandiya və İsveç BMT üzvlüyünə qəbul edilmişlər.
1900 — Bakı əhalisi və polisin fəaliyyətindən bəhs edən "Bakı Camaatının Həyatı və Velikoknyaz Prospekti ilə Hərəkəti" filmi ilk dəfə nümayiş olunmuşdur.
1946 — BMT irqi və dini ayrı-seçkiliyi pisləyən qətnamə qəbul etmişdir.
1969 — Pele Rio de Janeyronun Marakana stadionunda futbol yarışlarında 1000-ci qolunu vurmuşdur.
1977 — Misir prezidenti Ənvər Sadat İsrailə səfər etmiş ilk ərəb lideri kimi tarixə düşmüşdür.
1979 — Keçmiş SSRİ-də ilk sürət qatarı (200 km/saat) Moskva - Leninqrad reysi ilə hərəkətə başlamışdır.
1985 — ABŞ prezidenti Ronald Reyqan Cenevrədə SSRİ lideri Mixail Qorbaçovla görüşmüşdür.
1987 — 1931-ci il istehsalı olan "Bugatti Royale" hərrac yolu ilə 5,5 milyon dollara satılmışdır. Bu, avtomobil tarixinin o dövrə qədərki ən böyük hərracı olmuşdur.
1996 — Azərbaycan Respublikası Kot-d’İvuar ilə diplomatik əlaqələr qurmuşdur.
Ölümlər
1993 - Leonid Qayday, SSRİ kinorejissoru.