04.01.2020 Gündəlik Bürclər (4 Yanvar 2020)
Buğa - hisslərdə tufan, emosiyalarda qasırğa olduğu bir vaxtda ənənəvi işlərlə məşğul olmaq asan deyil. Mühüm işi və ya layihəni daha təfərrüatlı şəkildə öyrənməmiş qərar verməyin. Niyyətlərin gerçəkləşdirilməsi zamanı çatıb. Sizin bəzi, hətta ən konkret planlarınızın müəyyən yerində hadisələri yönləndirə biləcək müxtəlif ehtimalların toqquşduğu boşluqların olduğunu anlayın. Situasiyanı öz xeyrinizə dəyişmək üçün imkanlardan yararlanın. Qəfil dəyişikliklər, stresslər, rabitə vasitələrinin işində problemlər ola bilər. Gərginlik azalana qədər ehtiyatlı olun.
Əkizlər - vurnuxmayın, bir işi yarımçıq qoyub başqasına başlamayın. Gördüyünüz işlərdə nizam yaradın. Mühüm saydığınız məsələ ilə bağlı bilginizi artırın. İnformasiya və ya çoxdan gözlədiyiniz təklifi ala bilərsiniz. Peşəkarlığınızı nümayiş etdirin, topladığınız təcrübədən yararlanın. Nə isə alınmırsa, bu prosesin sizə, gerçəkdən də, lazım olub-olmadığını düşünün. Mühüm görüş və ya sənədin imzalanması baş tutmaya bilər. Tərəfdaşlarla anlaşmanı tam yerinə yetirin. Sosial şəbəkələrdə təmaslar aktivləşə bilər.
Xərçəng - mühüm tədbir planlaşdırıbsınızsa, onu reallaşdırmağa çalışın. Yaxın ətrafınızdakı insanlarla təmaslarınızı qaydaya sala biləcək addımlar atın. Mürəkkəb məsələləri təhlil edin. Çətin duruma düşmüş yaxınınıza yardım edin. Eyni vaxtda görüləsi bir neçə mühüm iş varsa, onlardan birini seçin. Ümidsizliyə qapılmayın, ruhdan düşməyin. İndi vəzifə borcunuz və ya səlahiyyətlərinizin dürüst icrası yox, yaşamınızda müsbət dəyişikliklərə səbəb ola biləcək işlər daha önəmlidir.
Şir - asan gün deyil. Planlaşdırma ilə məşğul olun, ümumi işləri tərəfdaşla müzakirə edin. Maraqlarınızı ön plana çəkməyin. Problem yaranarsa, onu ailə üzvləri ilə birlikdə nəzərdən keçirmək olar. Diqqət, qayğınıza ehtiyacı olan insanlarla təmaslarda aktiv olun. Səhhətinizə xüsusi fikir verin. Axşam saatlarında enerjiniz yetərincə olacaq. Emosiyalar da az deyil. Sizi sinirləndirməyəcək məşğuliyyət və ünsiyyəti seçin.
Qız - yeni işlə məşğul olmaq zamanı çatıb. Yazışmalarda və ünsiyyətdə aktiv ola bilərsiniz. Maraqlanmadığınız və ya rutin təsir bağışlayan işə başlayaraq qüvvələrinizlə imkanlarınızı sınağa çəkməyin. Gələcək perspektivlərinizi düşünün. Kiçik məsələlərə görə qıcıqlanmayın, fəaliyyətin effektivlik səviyyəsini aşağı salmayın. Xırda problemlər əhvalınızı pozmasın. Günün ikinci yarısı intellektual fəaliyyət üçün əlverişli deyil. Özünüzü çox yormayın.
Tərəzi - yaşam arealınızda və ya fəaliyyətinizdə dəyişikliklər ola bilər. Situasiyada yeni mərhələ formalaşır. Süni təkanlardan yararlanmağa çalışmayın. Yaşam sizi nədənsə imtina etməyə, güzəştə getməyə, ətrafınızdakı insanlarla dil tapmağa vadar edir. Çox danışıb az iş görməyin. Perspektivi müzakirə edin, problemin həll yollarını arayın. Cari işin ağırlığı çiyinlərinizdədir. Romantik hisslərə ehtiyatla yanaşın. Sonradan peşman ola bilərsiniz.
Əqrəb - həddən artıq çalışıb özünüzü yormayın. Bundan sonrakı günlərin işlərini planlaşdırın. Pəhriz barədə düşünə bilərsiniz. Sizdən yaşlı, daha təcrübəli olan insana qarşı çıxa biləcəyiniz tədbiri planlaşdırın. Həmkarlar və dostlarla sıx ünsiyyətdə olun. Yaxşı tanımadığınız, mübhəm gərginliyin hiss olunduğu məqamlarda ehtiyatlı davranın. Axşam saatlarında yeni ideyaları müzakirə etmək olar.
Oxatan - sakit gün olmayacaq. Sizi çoxsaylı xəbərlər, fon dəyişikliklər, yaxın ətrafınızdakı insanların aktivliyinin artması gözləyir. Vurnuxmadan yorulmamaq üçün ünsiyyət dairəsini düşünülmüş şəkildə bəlirləyin. Bir neçə gün davam edən gərginlikdən sonra müəyyən məqamlar aydınlaşacaq, durum sakitləşəcək, ixtilaflar çözüləcək. Problemlərin həll yolları və suallara cavablar tapılacaq. Əyləncə, istirahət, gözəl münasibətlərə ehtiyac yarana bilər. Alış-veriş üçün əlverişli zamandır. "Təsadüfi olmayan təsadüflər" seriyasından görüş və ya hadisə istisna deyil. Yaşam sizi seçim qarşısında qoyursa, praqmat olun. Kimsəyə imkan verməyin ki, sizə təzyiq etsin. Başqasının işlərini görməyin. İnformasiya və təcrübənizi artırın.
Oğlaq - gələn məlumatlara, yaranan ideyalara laqeyd qalmayın. İşlərin məcrasından narazılıq varsa, situasiyanı dəyişməyə çalışın. Gərginlik və narahatlıq artırsa, deməli, yaxın vaxtlarda dəyişikliklər olacaq. Nəyisə dağıtmaq, məhv etmək və ya sökmək niyyəti yaranarsa, emosiyalarınızı cilovlayın. Ailə üzvləriniz daha çox qayğı tələb edirlər. İşdə rəhbərlikdən kənar durun. Təcili problemin həllinə çağırılmasanız, təşəbbüslə çıxış etməyin. Şəxsi münasibətlərdə nəyisə tələsdirməyin. Ciddi planlara yenidən baxmaq olar.
Dolça - mühüm qərarın qəbulu ərəfəsinizəsiniz və ya öz reallığınızı transformasiya edirsinizsə bundan sonrakı fəaliyyətə gərəkli fon yaranmaqdadır. Səhhətinizə fikir verin. Zərərli vərdişlərdən əl çəkin. Yaxşı tanımadığınız insanın belə, təcrübəsi sərfəlidirsə, ondan yararlanın. Yaxın ətrafınızdakı insanlarla münasibətlərdə gərginlik, qarşılıqlı iradlar yarana bilər. Ziddiyyətləri balanslaşdırmağa can atın. Axşam saatlarında yeni ideyalar yarana bilər.
Balıqlar - artmış aktivlik durumudur. Fəallığa gərginləşən ab-hava da rəvac verə bilər. Gələn xəbərlərin sayı və zənglərin sayı arta bilər. Alınan məlumatları təhlil edin, tək qalmayın. Maraqlı təklif ala bilərsiniz. Sizi maraqlandıran hadisə ilə bağlı prosesin sürətləndiyini görəcəksiniz. Başqa vaxtlarda zorla dil tapdığınız insana situasiyanı başa salın. Uzaq məsafəli ünsiyyətdə, yazışmada irəliləyişə nail ola bilərsiniz. Sözlərinizə diqqət edin. İntuisiya güclənir. Orijinal ideya, problemin alternativ həlli yarana bilər.
