31.08.2020 Gündəlik Bürclər (31 Avqust 2020)

Qoç
Ünsiyyət və müzakirələr üçün əlverişli zamandır. Danışıqlarla müzakirələrdə qarşı tərəfin gizli istəkləri və əsl niyyətini anlamağa çalışın. Küsənləri barışdırın. Yaxınlarınıza məsləhətlər verin, qarşıdurmadan yayınmanın yollarını göstərin.

Buğa
Qısqanclıq, umu-küsü ilə qarşılaşacaqsınız. Mənfi emosiyalarınızı üzə çıxarmayın. Hirsli və qıcıqlı olmayın. Təmkinli davranış bir sıra münaqişələrin qarşısını alacaq. Sənədlərlə iş zamanı həddən artıq diqqətli olun. Ən kiçik səhv baha başa gələ bilər.

Əkizlər
Ailə üzvləri ilə fikir ayrılıqları yarana bilər. Dəyər verdiyiniz insanlarla sərt, aqressiv danışmayın. Həddən artıq kritik olmayın. Ətrafınızdakı insanlar qarşısında ağır şərtlər və tələblər qoymayın. Münasibətlərdə köklü dəyişikliklər etmək zamanı deyil.

Xərçəng
Romantik görüş ehtimalı yüksəkdir. Aktiv, nikbin olun. Əks cins mənsubuna qayğı göstərin. Ciddi münasibətlərin başlanmasını istəyirsinizsə, məqsədyönlü və iradəli davranın.

Şir
Tək qalmağınız məsləhətdir. Yaxın ətrafınızdakı insanların sizə diqqəti çox olsa da, buna fikir verməyərək müstəqil çalışın. Son vaxtlar çətinliklərlə qarşılaşaraq məğlubiyyətlərə düçar olubsunuzsa, qətiyyətlə davranın. Geri çəkilməyin, irəliləyin.

Qız
Ailə üzvlərindən biri ilə bağlı mühüm informasiya alacaqsınız. Planlarda dəyişikliklər istisna deyil. Narahat olmayın. Yaşananlarda yaxşı yönlər var.

Tərəzi
Liderlik məziyyətlərinizi və təşkilatçılıq bacarıqlarınızı göstərin. Öz işlərinizi qaydaya salmaqla yanaşı, başqalarının problemlərini də həll edə bilərsiniz. Diskussiyalarda qətiyyətli olun. Ətrafınızdakı insanlar sizi dinləyəcək, anlamağa çalışacaqlar.

Əqrəb
Yeni işə və ya layihəyə başlamaq olar. Indiyədək əla bələd olduğunuzu düşündüyünüz insanın tam yeni məziyyətini aşkarlayacaqsınız. Hər şeyə rəğmən, özünüzü əmin hiss edin. Səhhətinizə fikir verin. Axşam saatlarında zökəm riski var. Tamahın qulu olmayın.

Oxatan
Uzunmüddətli planlar hazırlamaq olar. Peşəkar fəaliyyət sahəsi ilə yanaşı, şəxsi münasibətlərdə də dəyişikliklər etmək zamanıdır. Təxəyyülünüzü işə salın. Imkan və bacarıqlarınızı reallaşdırın. Ətrafdakı insanların çətin saydıqları problemi həll etmək iqtidarındasınız.

Oğlaq
Ötən həftədən yarımçıq qalan işi başa vurun. Dəvət aldığınız tədbirə qatılın. Emosiyalarınıza nəzarət edin. Axşam saatlarını xoş hisslər əldə etmək üçün dəyər verdiyiniz insanlarla keçirin.

Dolça
Səmimi, nikbin və gülərüz olmata çalışın. Yaxın ətrafınızdakkı insanlar bunu sezəcəklər. Maraqlı tanışlıqlar və yeni əlaqələr zamandır. Sizi usandıran, mənfi emosiyaların yaranmasına səbəb olan insanla təmasları kəsin.

Balıqlar
Müsbət təmayüllərin təsiri güclənəcək. Yeni biliklər və informasiya əldə etməyə can atın. Enerjinizi gərəkli istiqamətə yönəltsəniz az sonra yaxşı nəticələr əldə olunacaq.