11.01.2022 Gündəlik Bürclər (11 Yanvar 2022 Günlük Bürclər)

Qoç
Əhatənizdəkiləri yaxşı başa düşəcəksiniz. Ancaq öz istək və arzularınıza gəlincə, burada vəziyyət başqadır. Bu səbəbdən də günün əsas hissəsini şübhə və qarmaqarışıq fikirlər arasında keçirəcəksiniz. Yaxınların mənəvi dəstəyinə arxalana bilərsiniz. Ancaq maddi yardım gözləməyin.

Buğa
Işgüzar həmkar axtarışı, şəxsi münasibətlərin qaydaya salınması baxımından əlverişli gündür. Çox cazibədar görünəcəksiniz. Ona görə də əks cinsin nümayəndələrinin diqqətindən kənarda qalmayacaqsınız. Ancaq rəğbət qazanmaqla yanaşı yeni düşmənlərinizin də peyda olacağı ehtimalı var. Alğı-satqı üçün münasib gündür.

Əkizlər
Enerjili və qərarlısınız. Bu da istənilən tapşırığın öhdəsindən gəlməyə kömək olacaq. Xoşagəlməz adamlar yolunuzdan çəkiləcəklər. Bu gün azad hərəkət etməyi seçəcəksiniz. Şəxsi müstəvidə də təşəbbüsü ələ alacaqsınız. Mətbəx ləvazimatı və ya qab-qacaq almaq üçün münasib gündür. Kulinariya eksperimentləriniz də uğurlu olacaq.

Xərçəng
Gün xoşagəlməz sürpriz gətirəcək, amma siz situasiyanın öhdəsindən gələcəksiniz. Bürcün bəzi nümayəndələri sevmədikləri adamdan kömək istəyəcəklər. Işgüzar partnyorlarla aranızda fikir ayrılığı olacaq. Əməkdaşlıqla bağlı söhbətləri təxirə salın. Yaxınlarınızla aranızda mübahisənin düşməsinə imkan verməyin. Əks halda münaqişə qaçılmazdır.

Şir
Günün əsas hissəsini faydalı, amma maraqsız və çox da xoş olmayan işə həsr edəcəksiniz. Ürəyinizə yatmayan işlə məşğul olmaq sizi hövsələdən çıxaracaq. Ehtimal ki, gəliriniz olacaq. Çoxdan qalan mülk və ya maliyyə məsələsini həll edəcəyiniz də gözlənilir. Yaşayış yerinin dəyişdirilməsi baxımından əlverişli gündür.

Qız
Səhvlərdən qaçmaq üçün başqasının təcrübəsindən bəhrələnməkdən utanmayın. Günün problemlərinin öhdəsindən gələcəksiniz. Işdə (halbuki siz uğur qazanacağınızdan əlinizi üzmüşdünüz) proqres olacağı bildirilir. Uğurlu şərait imkanınızı da yaxşılaşdıracaq. Uzaqdan xeyir xəbər eşidəcəksiniz. Uzaq qohumunuzun sizə təşrif gətirməsi də istisna deyil.

Tərəzi
Gözlənilməz çətinliklərlə üzləşəcəksiniz, amma siz özünüzü itirməyəcəksiniz. Nə qədər çətin iş olursa olsun, “Tərəzi” daha da böyük səylə işə girişirlər. Çoxdan görmədiyiniz adamla görüşmək üçün münasib gündür. Küsüşmələrdən sonra barışmaq şansınız olacaq.

Əqrəb
Bugünkü hadisələrə çox kəskin reaksiya verəcəksiniz. Hətta diqqətə layiq olmayan olay belə sizin bərk həyəcanlanmağınıza səbəb ola bilər. Bu gün çox səbirsiz olacaqsınız. Təmkinli şəxslər sizi qıcıqlandıracaq.

Oxatan
Gündəlik işlərlə məşğul olmaq çətin olacaq. Könlünüzdən maraqlı, qeyri-adi yenilik keçəcək. Bu səbəbdən də bürcün bəzi nümayəndələri təhlükəli hadisələrin iştirakçısı ola bilər. Şəxsi müstəvidə hansısa qərara imza atmayın, o cümlədən iş yerinin, yaxud da yaşayış məkanının dəyişdirilməsi üçün əlverişli gün deyil.

Oğlaq
Öz problemlərinizin həlli ilə yanaşı başqalarına da yardım etməyi unutmayacaqsınız. Gün çox gərgin və yorucu keçə bilər. Bu üzdən də yaxşı olardı ki, vaxtlı-vaxtında fasilə edəsiniz. Bu günə yeni tanışlıq gözlənilmir. Yaradıcılıq potensialınızda da eniş gözlənilir.

Dolça
Bu gün daha çox incəsənətlə maraqlanacaqsınız. Muzey, konsert və ya teatra getmək sizi sevindirəcək. Pozitiv emosiyalar sizə yeni maraqlı şəxslərlə tanışlıq qazandıracaq. Ehtimal ki, qeyri-adi olduğu qədər uğurlu alış-veriş edəcəksiniz. Gəzinti üçün müünasib gündür.

Balıqlar
Ətrafdakılar ümidini sizə bağlayacaq və bu da sizin xoşunuza gələcək. Siz işinizə məsuliyyətlə yanaşacaqsınız. Gün təhsil almaq üçün münasibdir. Diqqəti özünüzə yönəltmək xoşunuza gəlir. Bu üzdən bəzən gözlənilməz addımlar atırsınız. Zarafatlaşarkən ehtiyatlı olun. Zarafatlarınız gülməli deyil, kəskin ola bilər.