Uşağım hiperaktivdir deyib keçməyin! - PSİXOLOQ MƏSLƏHƏTİ
Hər hərəkətli uşağın, diqqətini toplaya bilməyən ya da ani qərarlar verən fərdin Hiperaktiv adlandırılması son dərəcə səhv bir yanaşmadır.
Üç fərqli növ davranış pozuqluğu mövcuddur: Həddindən artıq diqqətsiz olanlar, hiperaktifolanlar və ani davranış göstərənlər.
Həddindən artıq diqqətsiz olan qrup;
-Müəyyən bir mövzuya heç fokuslana bilməz, ya da qısa davamlı fokuslanıb dərhal sonra diqqəti dağılar.
-Marağını çəkməyən bir mövzudan çox daha qısa müddətdə sıxılıb uzaqlaşarlar.
-Əşyalarını tez-tez itirər, təşkilat tələb edən işləri etməkdə çətinlik çəkərlər.
-Siz bir şeylər izah edərkən dinləmir kimi görünərlər, tez-tez xəyal aləminə dalarlar.
-Oyunların və fəaliyyətlərin qaydalarına uymaqda çətinlik çəkərlər.
Hiperaktiv olanlar qrupu;
-Bir yerdə uzun müddət oturaraq ya da hərəkət etmədən dayana bilməzlər.
-Davamlı danışar, qarşılarındakını dinləmədən danışmağı davam etdirərlər.
-Ətraflarındakı obyektlərə toxunma meyli göstərərlər.
-İşlərini səssizcə etməkdə çətinlik çəkərlər.
Ani qərarlar verənlər qrupu;
-Ani qərarlar verərlər.
-Səbirsizdirlər.
-Qarşılarındakının sözünü tez-tez kəsərlər.
Uşağınızın yuxarıdakı qruplardan birinə aid olduğunu düşünür və o qrupdakı davranış xüsusiyyətlərindən ən az üçünü göstərirsə, bir mütəxəssisə görünməniz və diaqnoz qoyulmasını istəməlisiniz.
Davamlı qəbizlik ya da ishal halının olması da əhəmiyyətli əlamətlərdən biridir.
DEHB diaqnozu ümumiyyətlə 4-5 yaşa qədər olanlara qoyular. 7 yaşından sonra DEHB-in başlama ehtimalı çox aşağıdır. Bu səbəblə uşağınız yuxarıdakı davranışlara bənzər xüsusiyyətləri daşıyırsa, başqa bir problemi ola bilər, amma DEHBdən şübhələnməməlisiniz.
Bu xüsusiyyətlər qismən hər uşaqda ola biləcəyi üçün diqqət yetirməniz lazım olan nöqtə davranışın narahatedici bir ölçüdə olub olmadığıdır.
