Saçınıza üzünüzə evdə özünüz qulluq edin - MASKA

27 Mart 2020
2 499
0
Saçınıza üzünüzə evdə özünüz qulluq edin - MASKA
Üz və saçlar ilin bütün fəsillərində qulluq tələb edir.

Feat.Az xarici KİV-ə istinadən ev şəraitində hazırlanan maskaları təqdim edir:

Quru dəri üçün maska:

1 ədəd yumurtanı çalın, üzünüzə sürtün. Üstündən bitki yağı çəkin. Maskanı quruyana kimi saxlayıb əvvəlcə ilıq, sonra soyuq su ilə yaxalayın.

1 ədəd almanın qabığını soyun, xırda-xırda doğrayın, süddə qaynadın. Qarışıq sıyıq halına gələndə onu soyudub üzə maska edin. 20 dəqiqə saxladıqdan sonra soyuq su ilə yuyun.

Nəmləndirici maska:


2 qaşıq yağlı kəsmiyi 1 çay qaşığı təbii meyvə şirəsi ilə qarışdırın. Üzərinə 1 yumurta sarısı və 1 çay qaşığı kamfora yağı əlavə edib yaxşıca qarışdırın. Maskanı üzdə 20 dəqiqə saxlayıb ilıq su ilə yuyun.

Gözətrafındakı qırışlara üçün maska:


Qızılgül, santal və neroli efir yağlarının hərəsindən 1-2 damcı qarışdırıb gözətrafına çəkin.

Avokado, badam, nanə, jajoba, fenxel və neroli yağlarından 1-2 damcı qatıb gün ərzində 1-2 dəfə gözətrafına çəkin.

Saçlar üçün maska:


Saçları içinə 5-7 damcı jajoba yağı əlavə olunmuş şampunla yuyun. Bu qarışıq saçlara parlaqlıq verib, onların kökünü bərkidəcək.

Saç tökülməsinin qarşısını almaq üçün təmiz saçları zəncəfil və evkalipt dəmləməsi ilə yaxalayın.