Azərbaycanı duyğulandıran Mələk doğdu – FOTO
Bir müddət əvvəl sosial şəbəkələrdə bir atın ürək sızladan xəbəri yayılmışdı. Bakı-Şamaxı yolunun Qobustan ərazisindən keçən hissəsində bir atı maşın vuraraq ayağını sındırmışdı. Sürücü isə hadisə yerindən qaçmışdı.
Xəsarət alan heyvana isə heç kim yardım göstərməyib və o, iki gün ərazidə köməksiz qalıb. Atın qəza baş verəndən sonra çəkilən fotoları isə sosial şəbəkələrdə və mediada böyük səs-küyə səbəb olub.
Yalnız bundan sonra ata yardım edildi. Xəsarət almış heyvan iynə vurularaq yatızdırılıb. Qabaq sağ ayağı sınan atı Bakıya gətirdilər.
Könüllü Heyvan Cəmiyyətindən Lada adlı şəxs həmin atı xilas edib. Mələk adlı at isə artıq bala doğub. Balasının adı isə Ləkədir.
