Qaraciyər içlikli kartof kotletləri (foto-resept)
Tərkibi:
kartof
yumurta
2 x.q. un
duz
iç:
mal ciyəri
1 soğan
bitki yağı
duz
qara istiot
əlavə:
narın suxarı
yumurta sarısı
Hazırlanması:
Kartofu yuyub təmizləyin, suda bişirin. Suyunu tam süzün, duz vurub püre hazırlayın.
Tam soyumuş püreyə 2 x.q. un və 1 çiy yumurta qatıb yaxşıca qarışdırın. Kütlə elastik olmalı, əldən rahat ayrılmalıdır.
Qaraciyəri bişirib blenderdə xırdalayın (ət maşınından çəkə bilərsiniz). Soğanı təmizləyib xırda doğrayın, bitki yağında yumşalınca bişirin. Qaraciyəri soğanla qarışdırıb duz, istiot vurun, 2 x.q. kartof püresi qatın (eynicinsli olması üçün), qarışdırın.
Kartoflu qarışıqdan götürüb əlinizdə yayın, ortasına iç qoyub kənarlarını bitişdirin.
Suxarıya batırın. Yaxud üzərinə sadəcə yumurta sarısı çəkə bilərsiniz. Bitki yağı ilə yağlanmış siniyə düzün.
180-200 dərəcə qızdırılmış sobada təxminən 15 dəqiqə bişirin.
Süfrəyə müxtəlif souslarla, yaxud xama ilə verə bilərsiniz.
Nuş olsun!
