Dünyada yaşanan aclıq haqqında 7 tükürpədici fakt
1. Dünya əhalisinin 11%-i, yəni 800 milyon insan kifayət qədər qida qəbul edə bilmir.
Birləşmiş Millətlər Təşkilatının hesablamalarına görə, dünyada yaşayan hər 100 insanın 11-i yetəri qədər qidalana bilmir. Bu insanların 98%-i inkişaf etməkdə olan ölkələrdə yaşayır.
2. Aclıq yaşayan hər 5 insandan 3-ü qadındır.
Dünya Tibb Birliyinin araşdırmasına görə, az inkişaf etmiş ölkələrdəki cinsi ayrı-seçkilik səbəbindən qız uşaqları və qadınlar kişilərdən daha çox aclıq çəkirlər. Bəzi ölkələrdə qadınlar, hər kəs yemək yedikdən sonra yemək yeyə bilərlər. Bu ayrı-seçkilik hamilə qadınlara da şamil edilməkdədir. İnkişaf etməkdə olan ölkələrdə hər doğulan 6 uşaqdan 1-i ölümcül zəiflikdə dünyaya gözlərini açır.
3. 5 yaşından əvvəl həyatını itirən uşaqların yarısının ölüm səbəbi aclıqdır.
BMT-nin araşdırmasına görə, hər il təqribən 6 milyon uşaq, yəni gündə 16 500 uşaq aclıqdan vəfat edir. Eyni araşdırmaya görə, inkişaf etməkdə olan ölkələrdə hər 4 uşaqdan 1-i çəki çatışmazlığı yaşamaqdadır. Qida çatışmazlığının ölümlərinə səbəb olmadığı uşaqlar isə böyümə problemi, bədən və beyin inkişafının tam olmaması ilə bağlı problemlər yaşayırlar.
4. Dünyada hər il bütün bəşəriyyətə bəs edəcək miqdarda qida istehsal edilsə də, bu qidanın böyük hissəsi israf edilir.
Dünyanın istehsal etdiyi qidanın 3-də biri yəni 1.3 milyard ton qida müxtəlif səbələrdən israf olunmaqdadır. Təkcə ABŞ-da 222 milyon ton qida zibilə atılır. Bu isə bütün Afrikanın istehsal etdiyi qidaya bərabərdir.
5. Qadınlara evin maliyyə işləri ilə bağlı daha çox hüquq verilməsi, 150 milyon insanı aclıqdan qurtara bilər.
BMT-yə görə ailə büdcəsinin qadında olması qlobal aclıqla savaşda çox vacib bir rol oynaya bilər. Qadınları bu mövzuda məlumatlandırmaq uşaqları qorumağa və 150 milyon insanın aclıqdan qurtulmağa səbəb ola bilər.
6. Vərəm, AIDS və Malyariya xəstəliklərinin cəmindən ölən insan sayı, aclıq çəkərək ölənlərdən daha azdır.
Qəribə də olsa aclıqdan ölənlərin sayı Vərəm, AIDS və malyariyadan ölənlərin sayından daha çoxdur. Bu xəstəliklərlə mübarizə aparmaqla bərabər, aclıqla da daha ciddi şəkildə mübarizə aparmalıyıq. Bunun ən əsas yolu da qida təhlükəsizliyi və ədalətli paylaşmanı təmin etməkdir.
7. Bir uşağın günlük qida xərci 50 qəpikdən daha azdır.
Hesablamalara görə, bir uşağın məktəb ili boyunca qidalanması üçün 60-70 dollar kifayətdir. Kasıb ailələr çox vaxt uşağın işləyib çörək pulu qazanması ilə məktəbə getməsi arasında qərarsız qalırlar. Bu səbəbdən də, dövlətlərin məktəblərə qida yardımı etməsi çox vacib məsələlərdən biridir.