Gülkələmi ilə toyuq zapekankası (foto-resept)
Tərkibi:
600 q gülkələmi
300 q toyuq filesi
200 q pendir
2 diş sarımsaq
3 yumurta
1 st. 10%-li qaymaq
duz
istiot
Hazırlanması:
Gülkələmini budaqlarına ayırın. Qaynayan duzlu suya salıb 3 dəqiqə bişirin. Süzün. Yağlanmış formaya düzün.
Yumurta ilə qaymağı çalın, duz-istiot vurun.
Toyuq filesini nazik şəridlərə doğrayın. Bitki yağında yüngülcə qızardın. Duz, istiot qatın.
Formadakı kələmin üstündən düzün.
Pendiri sürtgəcin orta gözündən keçirin. Yumurta ilə çaldığınız qaymağa əlavə edin, əzilmiş sarımsaq qatın. Qarışdırın.
Bu qarışığı toyuq ətinin üstündən tökün, əvvəlcədən 180 dərəcə qızdırılmış sobada 30-35 dəqiqə bişirin.
Nuş olsun!