Məşhur saqqız divarı təmizlənir
Amerikada ilk baxışda rəngarəng görüən, ancaq əslində ceynənmiş saqqızlardan ibarət bir divar var. Bu divarın hekayəsi 1990-cı illərdən başlayır. Seattle şəhərində Post Alley teatrına bilet almaq üçün sıra gözləyənlərin saqqız yapışdırması ilə başlayan ənənə uzun illərdir ki, davam edir. Teatr rəhbərliyi ilk əvvəl bundan narahat olub təmizləsə də, insnaların inadla saqqız yapışdırmasını qəbul etməli oldular.
Hər kəsin qəbul etdiyi saqqız yapışdırma adəti böyüyərək, tanınmağa başlandı. Artıq Seattle şəhərinə gələn hər kəs buranı ziyarət edərək fotolar çəkib, saqqız yapışdırır. Sanki şəhərin tarixi bir məkanı kimi turistlərin və əhalinin ziyarət etdiyi bu rəngarəng divar isə əslində minlərlə insanın ağzından çıxan saqqızlardan ibarətdir. Bu divarla bağlı fərqli qəribə inanclar belə yaranıb. Əgər bu divar önündən keçdiyiniz halda saqqız yapışdırmasanız bütün bəlaların sizi tapacağını deyirlər. Saqqızın arasına qəpik yerləşdirib yapışdıranlar da xeyli saydadır.
Bu günlərdə isə divar yenə hər kəsin diqqət mərkəzindədir. Seatlle şəhər rəhbərliyi illər sonra ilk dəfə divarı təmizləməyə başlayıb. Əhalinin bir hissəsi buna etiraz etsə də, rəhbərlikdən çirklilik və gigiyena səbəbindən divarı təmizləməli olduğunu açıqlayıblar. Saqqız divarındakı təmizlik üç günə bitəcək. Bunun üçün bələdiyyə buxar maşınlarından istifadə edir.
“Saqqız Divarı” nın təmizlənməsi
pahoo.az