"Qəhvə dənələri" peçenyesi (foto-resept)
Tərkibi:
60 q yumşaldılmış kərə yağı
3-4 x.q. xama
3 x.q. şəkər tozu
2 ç.q. kakao
1 x.q. təzə dəmlənib soyudulmuş qəhvə
150 q un
Hazırlanması:
Yağı şəkər tozu ilə çalın.
Xama ilə qəhvəni əlavə edib qarışdırın.
Un, kakao qatıb xəmir yoğurun. Plastilindən azca yumşaq olmalı, ələ yapışmamalıdır. Gərək olarsa, bir qədər də un qata bilərsiniz.
Gilənar boyda kürələr hazırlayın, ortasından diş çöpü ilə basıb qəhvə dənəsi görkəmini verin.
Perqament döşənmiş siniyə düzüb 200 dərəcə qızdırılmış sobada 15 dəqiqə bişirin.
Nuş olsun!
