Unsuz xaş-xaşlı piroq
Tərkibi (6 pay):
240 q xaş-xaş
110 q şəkər pudrası
80 q şəkər tozu
1 ç.q. üyüdülmüş darçın
0,5 ç.q. üyüdülmüş mixək
1 ç.q. qabartma tozu
1 limonun sedrası
6 yumurta
4 yumurtanın ağı
2 x.q. bitki yağı
Hazırlanması:
İri ləyəndə xaş-xaş, şəkər pudrası, darçın, mixək və qabartma tozunu qarışdırın.
Limon sedrası, yumurta və yağı əlavə edin. Yüngül köpüklənincə çalın.
Yumurta ağlarını ağarınca çalın, sonra tədricən şəkər tozu əlavə edib möhkəm çalın.
Çalınmış yumurta ağlarını əsas kütləyə əlavə edib səliqəylə, eynicinsli kütlə alınanadək qarışdırın.
Piroq üçün formanı yağlayıb un səpin. Qarışığı içinə töküb 170 dərəcə qızdırılmış sobada 40-50 dəqiqə bişirin.
Süfrəyə limon konfitürü ilə verə bilərsiniz.
Nuş olsun!
