Dahilərin həyatını dəyişdirən 5 kitab
Vaxtında oxunmuş kitab insanın həyatına inanılmaz təsir göstərə bilər. Həmin kitablar həyat dəyişdirən kitablar hesab edilir və oxuyan şəxsin iş həyatından tutmuş, ümumi həyati məsələlərə münasibətinə kimi bir çox şeydə inqilabi dəyişiklik edə bilir. Bu əsərlər bizə çox yaxşı tanış olan dahilərdən də yan keçməmişdir.
Sizə dahilərin həyatını dəyişdirən 5 kitab təqdim edirik:
Gabriel Garcia Marquez – Franz Kafka “Çevrilmə”
Bu kitabı oxuduqdan sonra Marquez yazıçı olmağa qərar verir. O, adətən yatmaq üçün kitab oxusa da, bu dəfə tamamilə fərqli şey baş verir. Səhərə kimi kitabı oxuyan Marquez, səhər açılan kimi yazı stolunun arxasına keçir. O, özü də bu haqda çox maraqla danışırdı: “Franz Kafka’nın “Çevrilmə” əsəri mənim yeni həyat yolumu ilk misrasından bəlli etdi. Yeni günüm yazı makinasının arxasında buna bənzər bir şey yaratmağa çalışaraq başladı. Növbəti günlər ərzində mən universitetə getmədim, qorxurdum ki, evdən çıxsam bu sehr itə bilər. Zəhmətimin tərində gizlənən paxıllıq hissim bütün üzümü tutmuşdu.”
Joan Rowling – Jane Austen, “Emma”
Jane Austen Joan Rawling’in sevimli yazıçısıdır, Emma əsəri isə onun ən sevimli romanlarından biridir. Joan’ı ən çox təsirləndirən məqam isə yazıçının Frank və Jane arasındakı sirrli münasibətləri təsvir etmə üsuludur. Joan etiraf edir ki, o, bütün ömrü boyu bu formada bir intriqa yaratmaq istəyir, lakin bu onda heç cür alınmır.
Albert Einstein – David Yum “İnsan təbiəti haqqında traktat”
Einstein dəfələrlə qeyd etmişdir ki, bu üç hissəli “Traktat” onun həyatında olduqca əhəmiyyətli rol oynamış və nisbilik nəzəriyyəsini yaratmağa sövq etmişdir. Bu əsər ona vərdiş edilən zaman və məkan anlayışlarından uzaqlaşmağı və öz işinin təməl nöqtələrini yaratmağı öyrədib. Einstein deyirdi ki, yəqin ki, o bu kitabları oxumasaydı, əldə etdiyini nəticələrin heç biri olmazdı.
Kurt Cobain – Patrik Suskind “Ətriyyatçı”
Bu kitabdan təsirlənən bir çox insan var. Onlardan biri də, kitabdan təsirlənməklə qalmayıb, həm də ona aşiq olan musiqi dahisi Kurt Cobain’dir. Onun bu əsərə xüsusi münasibəti var idi. Dəfələrlə qeyd edirdi ki, kitabı 10 dəfədən artıq oxusa da, yenə də dayana bilmir. Özünün də psixoloji problemləri və mənəvi narahatlıqları olan Kurt üçün bu kitab simvolik idi. İntihar etməsi bu simvolikanı bir daha sübut etdi. Kurt kitabın sujetini “Utero” albomunda yer alan “Scentless Apprentice” mahnısında da istifadə etmişdi.
Ernest Hemingway – Lev Tolstoy “Müharibə və sülh”
Heminquey olduqca çox sayda kitab oxumuşdu, lakin ona ən çox təsir edən yazıçı rus ədəbiyyatının dühası Lev Tolstoy olmuşdu. Onun məşhur “Müharibə və sülh” əsəri isə yazıçının ən sevimli əsəri idi. Tolstoy kimi Heminquey də əsərlərində əxlaqi problemləri araşdırır və həyatın mənasını tapmağa cəhd edirdi.
Pahoo.az\Adme.ru