Abbas Atilayın Borjomi şəhərindən rəngarəng fotoreportajı
Gürcüstan deyəndə ağıllara ilk gələn sözlərdən biri də “Borjomi”dir. Gürcüstanın həm mineral suları, həm də kurort şəhəri kimi məşhurlaşan yerində Qafqaz təbiətinin ən gözəl mənzərələrini görmək mümkündür. Sovet insanlarının adını əzbər bildiyi, ancaq heç də hər kəsin görmədiyi kiçik şəhərdən Abbas Atilay fotoreportaj hazırlayıb.
Həmin fotoreportajı sizə təqdim edirik:
Gürcüstanın təqribən 15 minlik Borjomi şəhəri keçmiş Sovet ölkələri içində tanınmış şəhərlərdən biridir. Gürcüstanın əsas ixrac məhsullarından Borjomi mineral sularının qaynadığı bu şəhər həm də ölkənin əsas turist qəbul edən yerlərindən biridir.
Gürcüstan-Türkiyə “Pasof” sərhəd keçid məntəqəsinə gedən ana yolun üzərində yerləşən şəhər həm də Kür çayının az sulu hissələrindən biridir. Başlanğıcını Türkiyənin Şərq dağlarından alan Kür bu bölgələrdə suyuna su qataraq daha da çoxalır, ətrafındakı meşələrlə gözəl bir təbiət mənzərəsi yaradır.
Ker çayı üzərinə atılmış çox saylı asma körpülərdən biri. Ana və qızı körpüdən keçərkən.
Kür çayı və Borjomiyə gedən ana yol.
Borjomi sularının qaynadığı “Borjomi-Karagauli Milli Parkı”.
Borjomi sularının qaynadığı bulaqlardan biri.
“Borjomi-Karagauli Milli Parkı”-nda Kürə qovuşacaq qollardan biri.
Borjominin əhalisi 15 minə yaxın olsa da yaz-yay aylarında əhalinin sayı təqribən ikiyə vurulur. Təbiətin gözəlliyi, mineral su vannaları, xərclərin az olması və azadlıq turistləri bura çəkir.
Şəhər mərkəzində turistlərə əl işləri və ev mürəbbələri satan satıcılardan biri.
Turistlər üçün boş kirayə evlər.
Fotoqraflar.com