Ağdam bu gün belə görünür...
Bakı, 23 aprel, SalamNews, C.Nəzərov. Ağdam məscidi 1870-ci ildə memar Kərbəlayi Səfi xan Qarabaği tərəfindən tikilib. Hazırda məscid fəaliyyət göstərmir
Məscidin yerləşdiyi Ağdam şəhəri 1992-ci ildə Ermənistan-Azərbaycan müharibəsi zamanı tamamilə dağıdılıb. "Dağlıq Qarabağ qoşunu" istehsalat binalarından yaşayış evinə qədər bütün şəhər tikililərini məhv edib. Məscid isə zərər dəyməsinə baxmayaraq bu hücumlara tab gətirə bilib.
Ağdam qədim şəhərdir. Hazırda dağıdılmış vəziyyətdə olmasına baxmayaraq bir vaxtlar Zaqafqaziyanın varlı şəhərlərindən biri olub.
Şəhərin yaradılma tarixi XVIII əsr hesab edilir. Ozamankı Qarabağ xanı bu yerdə özünə ağ daşdan mənzərəli yaşayış kompleksi tikdirib.
