Fahriyəyə görə bloka atılan kainat gözəli: "Burakdan incidim" - FOTOlar
O, tədbirdən sonra şəhəri gəzib, şəkillər çəkdirərək sosial şəbəkədə yayıb. Onun şəklinə rekord sayda "yaraşıqlısan" kimi rəylər yazılıb ki, bunlardan biri də "Kainat gözəli" seçilən iranlı model Mahlagha Jaberinin olub.
O, aktyorun bütün şəkillərini bəyənib, "sizi çox sevirik", "yaraşıqlısan" kimi şərhlər yazıb.
Aktyorun Dubaydan qayıdan kimi ilk işi nişanlısı Fahriye Evcen ilə romantik selfi çəkdirmək olub. Onların sevgi dolu fotosu maraqla qarşılanıb. Foto 900 minə yaxın adam tərəfindən bəyənilib.
Burak ilk dəfə Fahriye ilə birlikdə çəkilən fotosunu yayıb. Bu foto maqazin dünyası tərəfindən iranlı model Mahlagha Jaberiyə cavab kimi qiymətləndirilib.
Feat.Az bildirir ki, iranlı model Burak Özçivitlə bağlı xəbərlərə açıqlama verib.
O, Burakı "Instagram"da izləmədən çıxarıb.
Model aktyor barəsində bunları deyib:
"Çox istedadlı bir aktyordur. Seriallardakı rolu ilə diqqətimi çəkmişdi. Pərəstişkarı olduğum üçün bir həftə öncə "Instagram"da ona "sizi sevirik", "yaraşıqlı" kimi şərhlər yazmışdım. Şərhimdən dərhal sonra məni əngəllədi. Ona yaxşı fikir bildirməkdən başqa bir niyyətim yox idi. Şəxsi həyatı ilə bağlı məlumatsız idim. Artıq onun peşəkar biri olduğunu düşünmürəm. Çünki heç bir məşhur pərəstişkarını yaxşı bir şərh yazdığı üçün əngəlləməz. Bunu etməyim xəta idimi, bilmirəm, amma çox incidim. Şəxsi həyatına hörmətlə yanaşıram".
milli.az
