Hindistan səfiri azərbaycanlı rəqqasəni “ilahə” etdi – FOTO

Tədbir Bakıda baş tutub.

Rəqqasə Oksana Rəsulova Bakıda baş tutan Divali bayramında fəxri qonaq kimi iştirak edib.

Feat.Az xəbər verir ki, tədbir çərçivəsində hind milli rəqslərindən və mahnılarından ibarət proqram təqdim olunub.

Gecədə O.Rəsulova “İndian Dance Studio” - tələbələrindən ibarət qrupu ilə birlikdə rəqslər nümayiş etdirib.

Mərasimdə həmçinin rəqqasənin Hindistandakı “India's Best Cine Stars Ki Khoj” müsabiqəsindəki qələbəsinə həsr edilmiş video-çarx da təqdim olunub.

Hindistanın Azərbaycandakı səfiri Vinod Kumar Oksanaya “Rəqs ilahəsi” heykəlini bağışlayıb.

Qeyd edək ki, tədbir səfirliyin nəzdində olan Hindistanın Azərbaycan Assosiasiyası tərəfindən təşkil edilib. Oksana bu Assosiasiyanın fəxri üzvüdür.