İlk aglıma gələn sənsən sevdiyim
Nə vaxtki qələmi əlimə alsam,
Gözümü bağlayıb xəyala dalsam,
Nəyisə düşünüb bir şeir yazsam,
İlk ağlıma gələn sənsən SEVDİYİM.
Hər zaman aldığım nəfəsimdəsən,
Şirin bir duyğutək ürəyimdəsən,
Arada xəyala dalmaq istəsəm,
İlk ağlıma gələn sənsən SEVDİYİM.
Gecələr libasına bürünəndə,
Göy üzü ulduzlarla bəzənəndə,
Hər kəs şirin röyalarda gəzəndə,
İlk ağlıma gələn sənsən SEVDİYİM.
İlk eşqimsən, sən mənim ilk sevgimsən,
İlk "Gülümsən" söylədiyimdə sənsən,
Bir zaman dünyadan getmək istəsəm,
İlk ağlıma gələn sənsən SEVDİYİM.