♥ɓų şε√đąŋıŋ♥
Sənə ürəyimi açıram hər gün,
Güzgü qarşısında tənha qalanda.
O kəlmə hər dəfə yadımdan çıxır,
Hər dəfə mən səni gördüyüm anda.
Mən səni sevirəm dünya qədəri,
Sən mənim sevgimsən,vəfadarımsan.
Bu fani dünyada,gülüm,sən mənim,
Gün üzü görməyən arzularımsan.
Mən sənə nəğmələr qoşuram hər gün,
Sən mənim nəğməmin coşğun səsisən.
Sənin sevgin mənə unutdurub ki,
Sən elə özün də eşq nəğməsisən.
Qəlbim qan ağlasa,tufan qoparsa,
Sevgiylə üzünə güləcəyəm mən.
Mənə qarşı gəlsə bu qoca dünya,
Səni ürəyimlə sevəcəyəm mən.