“Eurovision-2015”-in şüarı məlum oldu
Avstriyada keçiriləcək “Eurovision 2015” mahnı yarışmasının şüarı “körpülər qurmaq” olacaq. Avstriya dövlət televiziyasının rəhbəri Aleksandr Vrabets “körpülər qurmaq” şüarının Avropanın birləşdirici xarakterinə yolgöstərici bir qanun olacağını deyib. Son beş ildə olan yarışmalarda Oslodakı “Anı Paylaş”, Düsseldorfda “Ürək döyüntümü hiss et”, Bakıda “Öz məşəlini alovlandır”, Malmödə “Biz birik”, Kopenhagendə “Bizə qatıl” şüarları ilə çıxış etmişdilər. 2015-ci ildə Avstriyada keçiriləcək Eurovision yarışmasına paytaxtın “Wiener Stadthalle” salonu ev sahibliyi edəcək.