Teleaparıcı Canlı Yayımda Rekord Vurdu

Norveçdəki TV2 telekanalının aparıcısı Eli Kari Qyenqedal dünya rekordu vurub. O, 33 saat sərasər efirdə olub.

Bu zaman o, hava haqqında məlumat verib.

Əvvəlki rekord 24 saat idi.

'Ekranda cəmi 2,5 dəqiqə ilə məhdudlaşan sinoptik üçün ən böyük arzunu gerçəkləşdirəcəyəm', - telemarafondan əvvəl Eli Kari Qyenqedal deyib.

Qyenqedal Oslodakı Domkireplassen meydanındakı şüşə boks-studiyada veriliş aparıb. Şərtlərə uyğun olaraq o, efirdəki hər 60 dəqiqədən sonra 5 dəqiqə istirahət edib.

Rekordu yeniləyəndən sonra Qyenqedal pivə içmək niyyətində olduğunu deyib.