"Balaca şahzadə" yenidən ekranda
Fransız yazıçı Antuan de Sent-Ekzyuperinin yazdığı "Balaca şahzadə" (1943) yenidən ekranlaşdırılıb.
Axşam.az-ın xarici KİV-ə istinadən məlumatına görə, məşhur əsərə indiyə qədər çoxlu müzikl, balet, cizgi filmləri çəkilib, kompüter oyunları hazırlanıb.
Həm uşaqlar, həm də böyüklər üçün olan fəlsəfi povesti bu dəfə Hollivud rejissoru Mark Osborn çəkib. O, bundan əvvəl "Kunq-fu Panda"nı çəkərək məşhurlaşıb.
Yeni "Balaca şahzadə" cizgi filminin premyerası 18 martda baş tutacaq. Animasiya filminin səsləndirilməsində ulduzlardan ibarət heyət iştirak edib: Reyçel MakEdams, Marian Kotiyyar, Ceff Brices, Benisio del Toro və başqaları.
