Ermənistan Müdafiə nazirliyi əhalidən yardım istəyir
Şərhlərdə isə vətəndaşlar edilən yardımlara inanmadıqlarını və göndərilən vəsaitin ailələrə çatmadığını bildirib.
Ermənistan Müdafiə nazirliyinin mətbuat katibi Artsrun Ovannisyan əhaliyə hərbi qulluqçulara və ailələrinə yardım etmək üçün müraciət edib.
“Facebook” səhifəsində əhaliyə müraciət edən Ovannisyan bununla bağlı komissiya da yaradıldığını deyir.
“Əziz həmvətənlər, müdafiə departamentinin əmək və sosial təhlükəsizlik və müdafiə şöbəsinin xidmətçiləri vasitəsi ilə hərbi heyət və onların ailəsinə bütün növ yardımlar üçün xahiş edirik. Komissiya da yaradılıb. Yardımların bərabər palanması ilə bağlı problemlər var, şəxsən yardımda iştirak edin və hər kəsə yardım çatdıra bilmək üçün komissiya ilə əməkdaşlıq edin”,- Ovannisyan yazıb.
Şərhlərdə isə vətəndaşlar edilən yardımlara inanmadıqlarını və göndərilən vəsaitin ailələrə çatmadığını bildirib. Ovannisyan isə bütün iradları cavablandıraraq əhalini yardım etməyə çağırır, hətta hərbçilərin ünvanlarını da verir.
