Məşhurlar Dövlət Bayrağı Günü münasibətilə hazırlanan videoçarxda - VİDEO

“İRƏLİ” Dövlət Bayrağı Günü münasibətilə video çarx hazırlayıb

Azərbaycan prezidenti İlham Əliyevin 2009-cu il noyabrın 18-də imzaladığı sərəncamla 9 noyabr tarixi Dövlət Bayrağı Günü kimi qeyd olunur.

Azərbaycanın üçrəngli Milli Bayrağı həm də müstəqilliyimizi təcəssüm etdirən rəsmi dövlət rəmzlərindən biridir. Hər bir Azərbaycan vətəndaşı milli bayrağımıza, ehtiram göstərir, bunu özünün müqəddəs borcu kimi qəbul edir. Hər bir gəncin vəzifəsi Azərbaycan bayrağını uca zirvələrdə dalğalandırmaqdır.

“İRƏLİ” İctimai Birliyi və “İRƏLİ” Production Dövlət Bayrağı Günü münasibətilə maraqlı video çarx hazırlayıb. FeaT.Az xəbər verir ki, video çarxda Azərbaycanın məşhur simaları yer alaraq, Bəxtiyar Vəhabzadənin “Bayraq” şeirini ifadə ediblər.

“İRƏLİ” İctimai Birliyi Azərbaycan xalqını 9 noyabr Dövlət Bayrağı günü münasibətilə təbrik edir, bayrağımızın hər zaman zirvələrdə dalğalanmasını arzulayır.