Azərbaycanda evlənən kişilərin və qadınların orta yaş həddi
Ailə, Qadın və Uşaq Problemləri üzrə Dövlət Komitəsi 2014-cü ildə ailələrlə bağlı statistikanı açıqlayıb.
Komitənin İnformasiya və Analitik Araşdırmalar şöbəsinin məsləhətçisi Aynur Veysəlova verdiyi açıqlamada bildirib ki, bu ilin 9 ayında Azərbaycanda 53 400 nikah qeydə alınıb: "Azərbaycanda ümumilikdə 2 013 800 ailə var. Ailə quranların orta yaş həddi qadınlar üçün 24, kişilər üçün 28-dir. Ailə quranlar daha çox 25-34 yaş aralığındadır”.
Komitə rəsmisi nikahdankənar doğulan uşaqların sayının 25 069 olduğunu qeyd edib.
