Futzal millimizdə yeni baş məşqçi
Futzal üzrə Azərbaycan milli komandasının yeni baş məşqçisi müəyyənləşib. Feat.Az-ın Apasport.az saytına istinadən məlumatına görə, ispaniyalı Tino Peresin tərk etdiyi post braziliyalı mütəxəssisə tapşırılıb.
Belə ki, yığmamızın baş məşqçisi vəzifəsi Milton Luiz Ziller Juniora həvalə olunub. Cənubi amerikalı çalışdırıcı yığmamızın tarixində 2-ci braziliyalı məşqçisidi. Peresə qədər bu postu tutan Joze Alesio komandamızı tarixində ilk dəfə AÇ-yə daşımışdı.
Qeyd edək ki, Junior millimizi Kolumbiyada keçiriləcək DÇ-2016-ya hazırlayıb, mundiala aparacaq.