Podolski "Arsenal"dan ayrılır
"Arsenal" klubunun hücumçusu Lukaş Podolski yenidən karyerasını Almaniya Bundesliqasında davam etdirə bilər.
Qol.Az-ın Almaniya mətbuatına istinadən verdiyi məlumata görə, 29 yaşlı futbolçu ilə "Volfsburq"un maraq dairəsinə düşüb.
"Volfsburq" klubu artıq polşa əsilli alman futbolçu ilə danışıqlara başlayıb. "Arsenal"ın əsas heyətindən kənarda qalan Podolskinin Londonu tərk edəcəyi gözlənilir. Təcrübəli futbolçu ilə Türkiyənin "Qalatasaray" klubu da yaxından maraqlanır.
Qeyd edək ki, Almaniya yığmasının üzvü 2012-ci ildə "Köln"dən "Arsenal"a transfer olunub.
