Ramazan ayında hamilə qalmaq olar. Bu barədə Qadinlar.Biz-ın Qafqaz Müsəlmanları idarəsinə verdiyi sorğuya cavabda bildirilir. İdarədən verilən açıqlamaya görə, bu məsələ ilə bağlı Qurani-Kərimdə ayə var və həmin ayədə belə deyilir: “Odur ki, indi onlarla yaxınlıq edin (edə bilərsiniz) və Allahın (bu əmələ görə) sizin üçün müəyyənləşdirdiyi (savabı, haramdan çəkinmək və saleh övlad kimi) şey(lər)i istəyin”.
QMİ-nin açıqlamasında o da qeyd edilir ki, oruc tutmaq hamilə qadının özunə və ya qarnındakı körpəyə zərərli olarsa, oruc tutulmamalı və tutulmayan orucun qəzası sonra tutulmalıdır.
