Körpənin ilk ayaqqabısı necə olmalıdır?
Ayaqlar tez – tez böyüdüyü üçün bu yaşda alınacaq ayaqqabılar inkişafa maneə törətməyəcək şəkildə seçilməlidir. İlk addımlarını atmağa başladığı andan etibarən necə bir ayaqqabı geyəcəyi onun ayaq inkişafı üçün əhəmiyyətlidir.
Körpə ilk addımlarını atır
Körpənin ilk addımlarını atarkən ayaq barmaqlarını da yerə basıb basmadığına mütləq nəzarət etmək lazımdır. Körpənin ayaq barmaqlarıyla yerə basması yerimə refleksinin inkişafına köməkçi olur. Buna nəzarət etmək üçün körpəniz ilk addımlarını çılpaq ayaqla atmalıdır. Ayaqqabı seçimi isə bundan sonrakı mərhələdir.
Körpələr müəyyən bir yaşa gələnə qədər ayaq sümükləri hələ tam inkişaf etmir. Buna görə də onların ilk ayaqqabıları yumşaq olmalıdır. Ayaqqabı təbii vəsaitlərdən hazırlanmalıdır. Ayaqqabı ayaqların şəklini ala bilən, yumşaq, elastik və ayaq barmaqlarını qavramalıdır.
Çox sərt ayaqqabılar körpənin ayaq inkişafına zərər verər. Sərt ayaqqabılar uşağın ayaq döşəməsindəki qövsün, yəni çuxurun düz meydana gəlməsinə səbəb olar, ayaq əzələlərinin sağlam inkişafına və getmə tarazlıq refleksinin təbii inkişafına maneə törədər.
Ayaqqabı seçərkən diqqət yetirilməsi lazım olan digər mövzular;
Ayaqqabı ayağı sıxmamalı, hava qəbul etməlidir.
Allergiyaya səbəb olmayan, qaşındırmayan ayaqqabılar seçilməlidir.
Ayaqqabı nə kiçik nə də böyük olmalıdır.
Ayaqqabı alınarkən mütləq sınanmalıdır. Əgər körpə bir neçə addım atdığında rahat olmadığı müşahidə edilsə, o ayaqqabını almayın.
Ayaqqabıda kəmər və bu kimi aksesuarlar olmamalıdır.
Ayaqqabı seçimi yaşa görə aparılmalıdır. Böyüyəcəyi uzaqgörənliyiylə böyük ayaqqabı alınmamalıdır.
