Ağlamaq ömrü uzadır ? Psixoloqlar danışır .. !

03 Mayıs 2017
2 571
0
Ağlamaq ömrü uzadır ? Psixoloqlar danışır .. !
Normal halda insan dünyaya göz açandan son günlərinə qədər ağlayır. Psixoloqların bildirdiyinə görə, göz yaşları müxtəlif səbəblərdən yaranır. Orqanizm üçün ən xeyirlisi isə güclü emosiyaların təsirindən axan göz yaşlarıdır. Bu cür göz yaşları insanı rahatladır, stressə davamlı edir və ömrü uzadır.

Göz yaşları gözün yuyulması və təmizlənməsi üçün çox vacibdir. Belə ki, göz qişası çox həssas olur və əgər göz yaşarmasa, o, tezliklə quruya bilər. Çox vaxt da kompüter qarşısında uzun müddət keçirən insanların gözlərində quruluq müşahidə olunur. Bu quruluq özünü elə göstərir ki, sanki gözün içində nəsə qalıb. Ona görə də bu cür narahatlıqla üzləşən adamlara gözlərini tez-tez yumaq məsləhətdir. Lakin bəzilərinə bu kömək etmir. Quruluğun qarşısını almaq üçünsə onlara süni göz yaşlarından istifadə etmək lazımdır. Qeyd edək ki, göz yaşı əsas olaraq su və duzdan meydana gəlir və göz üzərimizin sürüşkən qalmasını təmin edir. Göz yaşı orta hesabla gündəlik 150-300 qrama qədər ifraz olunur. Və bir müddət sonra burun boşluğuna axır.
İnsan ağlayarkən orqanizmdən zərərli kimyəvi maddələr ixrac olunur. Ağlamaqla stressi yaradan və onun daha da çoxalmasına səbəb olan maddələr də azalır. Bu maddələr əsasən də cavan orqanizm üçün təhlükəlidir. Bu səbəbdən də uşaqlar böyüklərə nisbətən daha çox ağlayırlar. Uşaqların ağlamağı təbii özünü müdafiə reaksiyasıdır və uşağın sağlamlığını qoruyur. Göz yaşlarında bakteriyaları öldürən maddələr də zəngindir. Ən qəribəsi isə göz yaşlarının süd vəzilərini fəallaşdırmasıdır. Bununla yanaşı, ağlamaq ömrü uzadır. "Belə ki, çox ağlayan adamlar daha çox yaşayır və sağlam olurlar. Ürəkdən ağlayıb və ürəyini boşalda bilən adamlar stresslə də asan mübarizə apara bilərlər".

Qadınların kişilərdən daha çox yaşadığını deyən müsahibim bunu qadınların daha emosional olması və çox ağlaması ilə əlaqələndirir. Kişilər arasındasa ağlayanlar isə nadir hallarda olur. Onlar bir qayda olaraq ağlamadığı üçün emosiyalarını boşalda bilmirlər. Nəticədə də mənfi emosiyalar daxildə toplanır və tədricən sağlamlığa mənfi təsir göstərirlər. Qadınlarsa emosiyalarını gizlətmir və ağlamağa meylli olur.

Statistikaya görə, qadınlar ildə 64 dəfə ağlayır, kişilər isə 17 dəfə. Lakin çox ağlamağın da ziyanı var. Belə ki, müntəzəm ağlamaq bəzi insanların əsəb sisteminin gərginləşməsinə, insanın haldan düşməsinə səbəb ola bilər. Ağlayarkən də sərhədi gözləmək və elə ağlamaq lazımdır ki, orqanizmə xeyri olsun. Ümumiyyətlə, insanlar ağladıqdan sonra özlərini fərqli hiss edə bilərlər. Əksər insanlar özlərini rahat hiss etsələr də, bəziləri ağladıqdan sonra özlərini daha da pis hiss etməyə başlayırlar. Adətən belə insanlar psixoloji pozğunluqlardan və yüksək həddə çatan narahatlıqdan əziyyət çəkirlər. Bu cür insanlar ağladıqdan sonra özlərini daha da ağır və gərgin hiss edirlər.

Psixoloqun dediyinə görə, insan adətən ağlayan adama baxanda ona yazığı gəlir və göz yaşlarına laqeyd qalmaq çətin olur. Çox vaxt da bunu nəzərə alan uşaqlar və böyüklər də göz yaşlarından kiməsə psixoloji təzyiq göstərmək üçün istifadə edirlər. Bu səbəbdən də həqiqi emosiyaların təsirindən yaranan göz yaşlarını süni şəkildə yaradılan göz yaşlarından ayırmaq lazımdır.

Nəzərə çatdıraq ki, ağlamağın gözəllik üçün də böyük faydası var. Belə ki, göz yaşları xırda yaraları sağaldır, gözün altındakı dərinin qocalmasını ləngidir.
Əvvəlki Xəbər Növbəti Xəbər
RƏY ƏLAVƏ ET
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.