Bu 12 əlamət sizdə varsa, HƏKİMƏ MÜRACİƏT EDİN
İnternet asılılığı özü xəstəlik olmaqla yanaşı həm də bir çox xəstəliklərin yaranmasına səbəb olur. Bu asılılığın ilk əlamətləri hansılardır? Feat.Az modern.az-a istinadən həmin əlamətləri təqdim edir.
1. Əgər insan hər dəfə kompüter qarşısına keçib internetə giriş edərkən sevinirsə;
2. Ziyafətə, qonaqlığa, istirahətə gedərkən həmin məkanda internetin olub-olmaması onu ciddi narahat edirsə;
3. İnternetlə məşğul olan vaxt zaman məhfumunu unudursa;
4. Digər vacib görüləsi işlərini internetdə olduğu zaman asanlıqla təxirə sala bilirsə;
5. İnternetdə olan zaman özünə lazım oldu-olmadı saytları dolaşırsa;
6. Kompüterin qarşısından durduqdan qısa bir müddət sonra telefon vasitəsi ilə
internetə girirsə;
7. Tanışları ilə, hətta internetdən anlayışı olmayan bir insanla belə, internet haqqında söhbətə cəhd edirsə;
8. Həyatının bütün məsələlərini internetlə həll etmək istəyirsə;
9. Əyləncələrini internetdə axtarırsa;
10. Canlı ünsiyyətdən daha çox virtual ünsiyyətə üstünlük verirsə;
11. Digər vacib ödənişlərdən əvvəl internet pulunun vaxtında ödənilməsinə can atırsa;
12. Ən nəhayət yuxusuzluq, göz və baş ağrıları, halsızlıq kimi vəziyyətlər insanı internetdən ayıra bilmirsə bu artıq internetdən asılılıq xəstəliyidir.
Əgər sizdə də bu əlamətlərin ən azı bir neçəsi varsa, hazırda internet vasitəsi ilə oxuduğunuz bu yazını bağlayın və təcili həkimə müraciət etmək haqqında düşünün.