Balqabaq çəyirdəyi o qədər faydalıdır ki... - Yağını da içə bilərsiniz

10 Ocak 2019
938
0
Balqabaq çəyirdəyi o qədər faydalıdır ki... - Yağını da içə bilərsiniz
Balqabaq çəyirdəyi yağı tərkibində çox miqdarda faydalı maddələr olan yüksək kalorili maddədir. Bu yağ həm səhiyyə, həm də kosmetik sahədə ən çox tətbiq edilən yağlardandır.

Feat.Az
medicina.az-a istinadən balqabaq çəyirdəyinin istifadəsi, faydaları və zərərləri haqda məlumat verir:

Faydası

Balqabaq çəyirdəyi yağının tərkibində A, B və E vitaminlərindən əlavə, omega 3 və omega 6 yağları da var. Bundan əlavə, bu yağın tərkibində bol miqdarda selen və sink olduğu üçün saç və dəri sağlamlığında da çox faydalı hesab olunur.

Prostat böyüməsi üçün:

Balqabaq çəyirdəyi yağı prostat xəstəliyinin qarşısının alınmasında, prostat böyüməsində istifadə edilir. Sidik yolları problemləri zamanı da yaxşı təsir göstərir. Tərkibində olan karetoneid və fitosterol maddələri kişilərdə əmələ gələ biləcək prostat riskini də azaldır.

Bu yağ bağırsaq qurdlarına qarşı təsirlidir.

Bağırsaqlarda yaşayan qurdların düşməsinə səbəb olan balqabaq çəyirdəyi yağı eyni zamanda yoğun bağırsaq xərçənginin qarşısının alınmasında da faydalıdır.

Ürək-damar xəstəliklərinə qarşı: bu yağın tərkibində olan amin turşuları və arginin birləşməsi sayəsində nitrit turşusu yaranır ki, bu, damarların yumşalmasına səbəb olaraq ürəkdə baş verə biləcək sərtləşməni aradan qaldırır.

Balqabaq çəyirdəyi yağı sümük əriməsinin qarşısını alır.

İstifadəsi

Həm daxildən, həm də xaricdən istifadə olunan yağlardan olan bu yağı içmək istəyən insanlar hər səhər gün başlayarkən 1 desert qaşığı içə bilərlər.

Birbaşa içə bilməyən insanlar isə yağı 1 armudu stəkan ilıq su ilə qarışdıraraq içə bilər. Xaricdən istifadə etmək üçün isə yağı qarğıdalı unu ilə qarışdıraraq məlhəm qatılığına salın. Daha sonra isə problem olan bölgələrə masaj edərək sürtün.

Zərərləri

Uşaq əmizdirən və hamilə qadınlar həkimlə məsləhətləşmədən bu yağdan qətiyyən istifadə etməməlidirlər.

Hər hansı bir sağlamlıq probleminiz olmasa belə balqabaq çəyirdəyi yağını istifadə etməzdən əvvəl həkimlə məsləhətləşin.
Əvvəlki Xəbər Növbəti Xəbər
RƏY ƏLAVƏ ET
Bilgilendirme
Yorum Ekleyebilmeniz için Sitemize Kayıt Olmanız Gerekmektedir.