Sehrli bal masajı: saçlarınıza möcüzəvi təsir edəcək
Feat.Az medicina.az-a istinadən bildirir ki, bal saçları vitamin və mineralla qidalandırır. Bal maskası ilə saçlarınız daha güclü və parlaq olacaq.
Hazırlanma qaydası
1 yumurta sarısı
3 yemək qaşığı bal
1 avokado
Ərzaqları qarışdırın. Saçlarınızın hər yerinə istifadə edin və 30 dəqiqə saxlayın. Daha sonra normal temperaturda su ilə durulayın. Bunu həftədə ən az iki dəfə təkrarlayın.
Quru saçlar üçün
1 stəkan bal
2 yemək qaşığı zeytun yağı
Təmiz saçlara bir neçə dəqiqə masaj edin. 20 dəqiqə saçınızda saxladıqdan sonra ilıq su ilə durulayın.
Saç tökülməsinə qarşı
1 çay qaşığı darçın
3 çay qaşığı zeytun yağı
3 çay qaşığı bal
Ərzaqları qarışdırın və saçınızın dibinə 5-10 dəqiqə masaj edin. Uclara qədər istifadə etməyinizə ehtiyac yoxdur. Sonda isə ilıq su ilə durulayın.
Zədələnmiş saç ucları üçün
1 stəkan balı saçlarınızın hər tərəfinə masaj edin. 20 dəqiqə saxlayın. Bu üsulla saçlarınız qidalanar və əvvəlki parlaqlığına geri dönər.
Yağlı saçlar üçün
4 qaşıq bal
2 limonun suyu
Qabda yaxşıca qarışdırılmalı, saç dərinizə masaj edilməlidir. Saçınızda 3 dəqiqə saxlanmalıdır. Sonda isə bol su ilə yuyun.