Ucarda dəhşətli yol qəzası
Ucar rayonu ərazisində ölümlə nəticələnən ağır yol-nəqliyyat hadisəsi baş verib.
XezerXeber.com Fövqəladə Hallar Nazirliyinin (FHN) saytına istinadən verdiyi məlumata görə, Ucar rayonunun Alpı kəndində iki "KAMAZ" markalı yük avtomobili toqquşub.
Avtomobillərdən birinin sürücüsü, 1964-cü il təvəllüdlü Hüseynov Qara Dəmir oğlu hadisə yerində vəfat edib.
Xilasedicilər sürücünün cəsədini çıxarıb və aidiyyəti üzrə təhvil veriblər.
Əməliyyat saat 05:56-da başa çatıb.