Baş ağrılarının BİLMƏDİYİMİZ SƏBƏBLƏRİ
Bəs başımızı ağrımağa nə məcbur edir? Məsələ ondadır ki, beyin qabıqlarında çox sayda sinirlər var. Beynin həcmini dəyişdirən bir şey baş verərsə, əsəblər sıxılmağa başlayır və biz ağrı hiss edirik.
Feat.Az bu yazıda oxucuları baş ağrılarının bilinməyən səbəbləri ilə tanış edir.
Əgər başınız səhər oyananda ağrıyırsa...
Səhər başınız ağrımamalıdır, çünki kifayət qədər yatmısınızsa, beyniniz bütün gecə serebrospinal maye ilə təmizlənib bütün toksinlər yuyulmalıdır.
Səhər şiddətli baş ağrısı ilə oyanmısınızsa, bu ürək bulanması və qusma müşayiət olunursa çox təhlükəli bir simptomdur! Bəlkə də beynin içərisində böyüyən bir şiş əlamətlərindən biridir. Odur ki, əlamətlərə biganə qalmayın.
Nə etməli? MRT etdirin.
Baş ağrısı yüksək temperatur ilə müşayiət olunursa...
Baş ağrısı yüksək temperatur ilə müşayiət olunursa, bu, burun sinuslarının iltihabının təzahürü - qaymorit ola bilər. Və ya daha da təhlükəli - meningit iltihabının nəticəsidir.
Nə etməli? Dərhal həkimə müraciət edin. Meningit ölümcül ola bilər.
Qəfil yaranan baş ağrıları
Qəfil başlayan çox şiddətli baş ağrısı partlamış anevrizmin əlaməti ola bilər. Və bu ölümcül dərəcədə təhlükəlidir! Anevrizma qan damarının "nazik nöqtəsidir". Hər yerdə ola bilər və bəzən beyində yerləşir. İncə hissəsi yırtıla bilər. Bu kəllə içərisində baş verərsə, beyində qanaxma olacaq. Tökülmüş qanın hesabına beyin qabığının daxili həcmi böyüyür ki, bu ölümə gətirib çıxarır.
Nə etməli? MRT etdirin. Şəkillərdə anevrizmalar açıq şəkildə görünür, qırılma riskini azaltmaq üçün əvvəlcədən damarı bərpa edtmək olar.